LUKAS 15:27 - Alkitab Singog In Mongondow Masa In Tanaa

²⁷ Dá simpaḷ tatua noguman, ‘Ki ai-ai i tuang in nobuidon mangoi! Bo pinorataan i papamu kon ki adí in sapi inta totok in moḷongó, sin nouḻíneadon bui in ki adínea takin nosaḷamat!’

LUKAS 15:27 Referans Kwoze

PILEMON 1:16

Bo tanaa, sia in deeman bidon tongá tobatú ata kon i utat; táe noiḻiu bidon kon tua. Sia in tumpaḷa bidon intau in Keresten inta kotabi naton. Sia in baragunadon kon i naton apalagi kon inimu! Tantú sia in baraguna bidon totok kon inimu, pinomayá saḷaku ata ande saḷaku utat kon bonu in tabi i Tuhan!

OUMAN IN RASUL MITA 22:13

Sia in namangoi noindoi kon inakó, bo sinimindog kon diugku poḷat noguman nanaa, ‘Saulus utatku, bukádon in matamu bo indoidon!’ Dá kon dodaipa doman in tatua akuoi in dinumungá bo nokoontongdon kon inia.

OUMAN IN RASUL MITA 9:17

Dá ki Ananias in minayá domandon in baḷoi tatua bo nomarakat kon i Saulus, kainia, “Saulus utatku, ki Tuhan Yesus inta ain nokipogontong kon i utat kon daḷan, wakutu in ki utat mopoangoi in naa, Sia doman tua inta nopotabá kon inakó mamangoi kon inimu sinbá ki utat in buipa mokoontong bo kawasaandon in Roho i Allah.”

LUKAS 15:30

Táe naonda in nobuidon mangoi ki adí i papa inta ain nokopodaitmai kon bayongan kapunyaan i papa takin bobay mita sundaḷ, yo sia in sinomu i papa bo pinorataan kon ki adí in sapi inta totok in moḷongó!’

SAMUEL 1 28:24

Bo ḷagidon in bobay tatua noratá kon ki adí in sapinea inta noḷongó bo nogamá kon topong bo poḷat nongapog, bodongka pinomianea roti inta diá iragian.

MATIUS 22:4

Sia in nopotabá bui kon bobantungnea mita ibanea, takin koyow, ‘Pogumandon kon intau mita inta ain sinoko oiní tatua: Kon bayongan kaanon aindon sinadiaku. Sapi mita koḷakian, bo biag inta sinokopiaraku aindon iratá. Bo komintan tua aindon sinadia kon meja. Angoidon in rame ponikaan i adíku singgai in naa!’

LUKAS 15:26

Dá sia in nogoiní kon simpaḷnea tobatú, bo noḻibó, ‘Mongo onu in nobaḻí kon baḷoinea?’

LUKAS 15:28

Dá sinumorú totok in ki adínea guya-guyang tatua poḷat doí sinumuot kon baḷoi. Dá iḷumuai in ki amánea bo nodondouḷug kon inia.