LUKAS 13:8 - Alkitab Singog In Mongondow Masa In Tanaa

⁸ Táe moḷoḷukad kon anggur tatua in noguman nanaa, ‘Pomayápa mako in kobiagannea in taong tanaa, bain pasoḷanku bo pupukan in pangkoinea.

LUKAS 13:8 Referans Kwoze

PETRUS 2 3:9

Diábí moḷaḷoi in ki Tuhan mogintompod kon onu inta ain pinodandi-Nea, umpakabí oyúon intau in mosingog kon moḷaḷoi in Sia. Táe ki Tuhan in umuranbí mosabar in moindoi mako kon oaid monimu, sin doíbí in Sia aka tobatúpamai intau kon sigad monimu in moputú. Ibogon-Nea, bayongan intau in mogogaidon in mogaid kon dosa.

SURAT I PAULUS KON JAMAAT RUM 11:14

Haraponku mako akuoi in mokopomuká kon intoi kon intau mita tobangusaku, sin aka natua yo motaau posaḷamatonku in tongonumai intau nongkon i monia tua.

YOËL 2:17

Potabádon in imang mita inta nogundoi kon i Tuhan, mongombaḷ kon sigad in mezbah bo dangkuḷonnea kon muna, sindaḷan moguman, “Kotabipa kaasí in umat-Mu, o Tuhan; dika pomayá mako in kapunyaan-Mu tongososingkuḻe mako,” dá bangusa mita ibanea monigid poḷat moguman, “Kon onda in ki Allah monia?”

SURAT I PAULUS KON JAMAAT RUM 10:1

Utat mita, ibogonku totok bá bangusaku in posaḷamaton. Dá tuamai akuoi in totokdon in totu-totuu mosambayang kon i Allah sin kopontingan monia.

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

YEREMIA 15:1

Ki Tuhan in noguman kon inakó, “Diá bidon in Akuoi motabi kon bangusa tanaa, umpakabí ki Musa bo ki Samuel in simindog kon naa mopoigum in totabi-Ku kon i monia. Potabádon mayá in bangusa tanaa, doídon in Akuoi moindoi kon i monia!

MAZMUR 106:23

Dá niaton i Allah yopúon in umat-Nea, táe inimaḷowan i Musa, intau inta piniḻí-Nea. Ki Musa in nobaḻí tonsigad kon i monia, dá noonow in torú i Allah.

IḶUAIAN 34:9

Gumannea, “Tuhan, aka totu-totuu kon ibog-Mu in akuoi, akuoi mopoigum, moibogdon ki Tuhan moyotakin nami. Bangusa tatua totuu kon motogat in gina, táe ampungaipa in raat bo dosa nami bo tarimadon kami mobaḻí umat-Mu tontaní.”

LUKAS 13:7

Dá sia in noguman kon moḷoḷukad kon gobá in anggurnea tatua, ‘Aindon toḷu notaong in akuoi umuran mamangoi motayak kon bungai in pangkoi ara tanaa, táe diá kon dodai onda in akuoi nokouḻí kon bungainea. Dá maní pupuḷdon in pangkoinea naa! Sin diábí in baraguna kobiagannea kon butá tanaa!’

LUKAS 13:9

Dika-dika bo taong moiduduimai naa momungai in sia. Táe aka diápa doman yo pupuḷonku bidon.’ ”

LUKAS 14:35

Diá bidon in baragunanea umpaka pakéon kon gobá andeka pomupuk. Manangka intua ḷumbúon bidon. Tuamai aka kobongoḷan, yo pokidongog!”