LUKAS 13:28 - Alkitab Singog In Mongondow Masa In Tanaa

²⁸ Kon wakutu in mokoontong in moiko kon i Abraham, kon i Ishak bo kon i Yakub takin nabi mita mogaid kon rame kon bonu in dunia mobagu i Allah, yo mongombaḷbí in moiko sin moajar in gina monimu sin aindon inuntun pinoḷuai!

LUKAS 13:28 Referans Kwoze

MATIUS 25:30

Bo simpaḷ tanion inta diá in baragunanea pogarabdon mako kon bonu in tampat inta sindip totok. Kon tua sia in mongombaḷ bo mororiga!’ ”

MATIUS 22:13

Dá datu tatua in noguman kon bobantungnea mita, ‘Tokig in sioḷ bo ḻimanea bo pogarab in intau tanion kon tampat inta nosindip totok, kon tua kodongogan in amui bo rokokot in ingipon.’ ”

WAHYU 21:8

Táe intau mita inta ondokon, mosia inta diá mosatia, intau moromú, moḷoḻimod, intau mokotor, intau mongonggaing, mososumba kon berhala bo komintan intau mouboḷ, toko pogambat kon bonu in dagat tuḷú bo balerang inta kodoko-dokot, tuata in popatoi inta induanea.”

TESALONIKA 2 1:5

Bo noniatadon kon naa kon moadilbí totok in pononantú i Allah: Lantaran moiko bo nobiagdon nororiga sin popisí noramuji tumuot kon Dunia Mobagu i Allah, dá moiko in patusdon tumuot kon dunia tatua.

WAHYU 22:15

Táe intau mita inta nogaid kon soaḷ mita inta moromú, inta moibog monggaing, bo intau mita inta mogaid kon soaḷ mita inta mokotor, inta moḻimod, mosumba kon berhala, bo intau mita inta mouboḷ, pinomayá tosingogon ande oaid, komintan intau natua, kon ḷuai in kotá in tampatnea.

PETRUS 2 1:11

Aka natua, dá moiko in motaaudon totok tumuot kon dodatuan inta mononoi nongkon i Tuhan bo Datu Mopoposaḷamat naton ki Yesus Kristus.

LUKAS 16:23

Kon dunia in intau minatoi sia mororiga totok. Bo wakutu in sia iḷumangag nongkon tampatnea tatua, inontongnea in ki Abraham, bo ki Lazarus in iḻimitú doman mako kon diugneamai.

LUKAS 14:15

Nokodongogmai kon singog i Yesus natua, oyúon tobatú intau inta nongaan noyotakin-Nea in noguman kon i-Nia, “Momujur totok in intau inta mongaan moyotakin i Allah aka Sia mamangoidon saḷaku Datu!”

LUKAS 10:15

Bo moiko, Kapernaum! Degá kainimu kamai dá poḷantudonbí in iko dapot in soroga? Bá pogumanku, Diábí! Sedang bo moiko nion in pogonagbí kon naraka!”

MATIUS 24:51

Dá bobantung tatua in totok binout i tuangnea, bo ḷumbúonnea kon tampat in intau mita inta mongomunapik. Mosia in mongombaḷ bo mororiga kon tua.”

MATIUS 13:50

Bo intau mita inta moraat tokoḷumbúon-Nea kon yuak in tuḷu; kon tua mongombaḷ in mosia bo mororiga.”

MATIUS 13:42

Bayongan tua in daiton pogonag kon bonu in tuḷu; kon tua kodongogan in amui bo roriga.

MAZMUR 112:10

Intau moraat nokoontong kon tua bo sinumorú; mosia in noporokokot in bagang popisí in nondoí. Bo noyopú in mosia; kamang monia in noinggamá nodapot in mononoi.