LUKAS 12:29 - Alkitab Singog In Mongondow Masa In Tanaa

²⁹ Tuamai kotantúon in raian bo dika umuran moḻia-ḻiaw in gina monimu kon soaḷ kaanon andeka inumon monimu.

LUKAS 12:29 Referans Kwoze

MATIUS 6:31

Tuamai moiko in donaaidon mohawatir bo poḷat mosingog nanaa, ‘Onu in kaanon nami’ andeka ‘onu in inumon nami’ andeka ‘onu in pakéon nami’?

LUKAS 22:35

Nopaḷut mako nosingog kon tua, Sia in noguman kon i monia, “Tungkuḷ in pinotabá-Ku in moiko bo diá-Ku inogoi nodia kon dompet, botutu andeka sapatu, yo degá nokoimontanmai in moiko in kinodaitan in onu bo onu?” “Dia!” tubag monia.

LUKAS 12:22

Ki Yesus in noguman doman kon murí-Nea mita, “Tuamai Akuoi in moguman kon i monimu, ‘Dika mohawatir kon soaḷ kobobiagmu, onu in kaanon andeka onu in pakéon monimu.’

LUKAS 12:30

Sin tua in oaidbí in intau mita inta diá mopirisaya kon i Allah. Bokaka kinotaauan bidon i Allah kon komintan tua in paraḷubí doman totok monimu.

LUKAS 12:26

Dá aka moiko bo diá mokosanggup in mogaid kon soaḷ inta mointok totok natua, yo nongonu sin moḻia-ḻiawbí in gina monimu kon soaḷ inta ibanea mako?