LUKAS 12:20 - Alkitab Singog In Mongondow Masa In Tanaa

²⁰ Táe ki Allah in noguman kon inia, ‘Ei iko intau inta bodok! Doḷom doman naa iko in matoi, yo ki ine in pobogoianmu kon kapunyaan inta ain sinipunmu tanion?’

LUKAS 12:20 Referans Kwoze

YEREMIA 17:11

Naonda bo ḷagapan nogoob kon natu inta deeman natunea, natuata in intau inta diá mojujur mokouḻí kon kapunyaan. Kon umur moḻin gurangdon sia in kobuḻian in bayongan in kapunyaannea. Kon imbuit in kobiagannea moniata sia in intau inta bodok totok.

AYUB 27:8

Oyúon degá in kamang kon intau binaradosa kon dodai in ki Allah monuntut kon dimukudnea?

TIMOTIUS 1 6:7

Sin diábí tobatúmai in dinia naton wakutu in namangoi in dunia naa, ná doman tua, diábí doman in tobatúmai in diaan naton aka ḷumuaidon nongkon dunia naa!

MAZMUR 39:6

Totuu mopoḷok in kobiaganku inta sinantú-Mu! Aka kon ini-Mu wakutu kinobiaganku diábí in mangaḻenea. Totuu, intau naa in tongábí naonda bo poginaan,

YAKOBUS 4:14

Onu in mobaḻí kon kobiaganmu ikoḷom, diábí doman kinotaauanmu tontaní! Moiko nion in tongábí naonda bo poyok inta koontongan motoyong, onda intua diádon.

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

LUKAS 11:40

Nongo bodok in moiko! Diábí degá kotaauan monimu kon ki Allah inta nogaid kon dotá in ḷuainea, Siabí doman tuata inta nogaid kon dotá in bonunea?

MAZMUR 73:19

Tongá kon bonu in tokokiap morimumud in mosia, totuubí motoyang in kopaḷutan monia.

NAHUM 1:10

Iko in tubáanbí naonda bo wawa inta noingkag naonda bo bonganga inta moyo-moyoguntuḷ.

AMSAL 28:8

Ki ine in mobaḻí mooyúon popisí in moigum kon rente bo motayak kon kauntungan inta moḷoben totok, kaoyúonannea in moiḷabúbí kon intau inta motabi kon intau bogá.

AMSAL 11:4

Aka tumayowdon kon popatoi, yo kapunyaan in diá bidon in mangaḻenea; mosaḷamatbí in iko aka motuḻid in ginamu.

MAZMUR 78:30

Táe ibog monia in diápa doman kinooropan; dá koyogot in mosia mongaanmai,

ESTER 5:11

Bo ki Haman in nongonguman kon ambungangaḷ kon i monia bo nopoontong in kaoyúonannea, kobayong in adínea ḷoḷaki, ḷoḻitúan pomomarentaan inta inogoi i datu, bo pangkatnea inta moḷantu-ḷantud nongkon bayongan in pogawai ibanea.

MAZMUR 49:10

sinbá moisimparut in sia kon popatoi bo mobiag modapot in mononoi.

AMSAL 10:2

Kaoyúonan inta nouḻí pinongin tombogá diábí mobogoi in kauntungan; táe, gina motuḻid in mokosaḷamat.

AMSAL 13:7

Oyúon in tumangoi nooyúon, bokaka diá koonu bo onu; oyúon in ḷumabit nobiag bogá, bokaka nooyúon totok.

AMSAL 27:1

Dika tumakabur kon singgai ikoḷom, sin diábí kinotaauanmu onu in mobaḻí.

YESAYA 56:12

Intau mita moḷoḷoḷangu mita tatua in moguman, ‘Igai monginum in kita kon anggur bo monginum modapot in moorop! Ikoḷom in mopia-pia nongkon singgai naa!’ ”

AMOS 6:13

Moiko in umambungangaḷ in moguman kon sinaḷowdon monimu in Lodebar. Moiko in noguman doman, “Tugatbí in ropot nami in mogagow kon Karnaim.”

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.