LUKAS 12:1 - Alkitab Singog In Mongondow Masa In Tanaa

¹ Kon dodai intua ribuan intau in nosipun, dapot in moyopuntukdon kon sioḷ. Koyogotpa moyosipun in intau mita tatua, ki Yesus in noguman kon murí-Nea mita, “Mokopopia in moiko kon ragi intau in Parisi, makusudnea in oaid intau in Parisi inta mongomunapik.

LUKAS 12:1 Referans Kwoze

PETRUS 1 2:1

Manangka intua, ḷumbúdon in bayongan inta moraat; kon i monimu, bo donaaidon umuran monguboḷ, momunapik. Dikadon mointoi, bo dikadon mohojat kon intau ibanea.

YAKOBUS 3:17

Táe intau inta nokouḻí kon kabijaksanaan nongkon i Allah, yo sia in muna-munamai totok modarit, onda intua moibog in sia kon dodamean, mobahasa mako, bo motoindudui. Moḷoben in tabinea bo oaidnea mongopia. Diábí in sia momiḻí kon intau bo diábí tongá ki ubo-uboḷmai mopia.

LUKAS 12:56

Uḻe, moiko intau inta mongomunapik! Kaadaan in butá bo ḷangit motaau monimu takuseron táe nongonu sin tanda mita in zaman masa in tanaa in diábí motaau monimu takuseron?”

AYUB 36:13

Intau inta diá kotuhan motagú kon torú; umpaka ihukum i Tuhan, doíbí in mosia moigum kon totuḷung.

AYUB 27:8

Oyúon degá in kamang kon intau binaradosa kon dodai in ki Allah monuntut kon dimukudnea?

AYUB 20:5

ḷunganga in intau moraat tongábí motoyong, bo kasanangan in intau moraat tongá tokokiap?

DATU MITA 2 7:17

Noitongkaná kon tua intau inta moḷoḷukad kon i datu noḷukadmai kon bonawang in kotá. Minatoi in sia kon tua sin kinoritakan in intau mita. Tua in nobaḻí ná inta ain siningog i Elisa kon i datu kon dodai in ki datu namangoi kon inia.

KORINTUS 1 15:3

Onu inta ain pinotaauku kon i utatku mita, yo tuabí doman in sinarimaku. Inta totok in moponting, ná inta pinais kon bonu in Buk Motusi, akuoi ain nopotaau kon i monimu kon ki Kristus ain minatoi popisí in dosa mita naton;

OUMAN IN RASUL MITA 21:20

Nokodongogmai kon ouman i Paulus tatua, mosia in nodayow kon i Allah. Bo mosia in noguman kon i Paulus nanaa, “Utat, indoiaika dá aindon kon ribuannea in intau Yahudi in nopirisaya kon i Yesus. Mosia tua in intaubí mita inta totok in motoindudui kon hukum i Musa.

LUKAS 11:44

Koboditodon in moiko intau mita in Parisi! Moiko in naonda bo poḷoḷobongan inta diá pinaisan tangoi inta korita-ritakan mako in intau táe diábí kinotaauan monia kon poḷoḷobonganbí intua.”

LUKAS 6:17

Onda intua ki Yesus nosiḻig nongkon buḷud tatua takin rasul-Nea mita, bodongka sinumogon kon tampat inta notondodai. Kon tua nobarong doman in dumodudui-Nea mita ibanea bo intau mita inta namangoi nongkon ḻipú mita inta kon butá in Yudea, Yerusalem, bo kon kotá mita in Tirus bo Sidon inta kon bingkí in dagat.

LUKAS 5:15

Táe habar soaḷ ki Yesus totokdon noisiar kon ḻipu-ḻipúannea, sahingga in nobayongdon intau in namangoi sin mokidongog kon onu in poguman-Nea bo mokiundam doman kon bayongan takit monia.

LUKAS 5:1

Kon singgai tobatú ki Yesus sinimindog mako kon pintad in Danow Genesaret. Nobayong intau in namangoi kon i-Nia sin mokidongog kon Habar Mopia nongkon i Allah.

YESAYA 33:14

Intau mita binaradosa kon Sion mourot popisí in moondok. Guman monia, “Bontow in tosingogon i Allah in naonda bo tuḷú inta nodokot modapot in mononoi. Degá oyúon in mokotahang kon bonu in tuḷú inta moyopú tatua?”

IBRANI 12:22

Tongá aka moiko namangoidon in Buḷud Sion bo kotá i Allah inta nobiag, tuata in Yerusalem inta kon soroga takin ribuan malaekat-Nea.