LUKAS 11:49 - Alkitab Singog In Mongondow Masa In Tanaa

⁴⁹ Tuamai hikmat i Allah in noguman nanaa, ‘Akuoi mopotabá in nabi mita bo rasul mamangoi kon i monimu; ibanea in ḻimodon bo ibanea doman in pogutúon!’

LUKAS 11:49 Referans Kwoze

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

KOLOSE 2:3

Ki Kristusbí tua in mobuká kon bayongan pandoi bo pongotahuan i Allah inta koḻipod noibunipa.

EPESUS 4:11

Sia doman tua inta nobogoi in rasul, nabi bo intau mita inta mopoyaput in Habar Mopia, gombala bo guru mita.

KORINTUS 1 1:24

Tongá aka kon intau mita inta ain sinoko oiní i Allah, pinomayá intau in Yahudi andeka deeman – habar tatua in totokbí in pinirisaya kon aidbí i Allah kon moponiata in kawasa bo kapandoian-Nea.

OUMAN IN RASUL MITA 22:20

Natua doman, naonda in ki Stepanus inta simpaḷ-Mu iḻimod, akuoi tontaní in kon tua bo nopia-pia doman in ginaku in pinoḻimodan monia tatua.’

OUMAN IN RASUL MITA 8:3

Táe ki Saulus in totokdon moḷongasi momogutú kon jamaat mita tatua. Sia in maya-mayá mako kon baḷo-baḷoiannea bo motayak kon jamaat ḷoḷaki bo bobay inta mopirisaya kon i Tuhan sin poḷuaion kon kotá tatua bo bayáan bonuon kon ponjara.

OUMAN IN RASUL MITA 7:57

Dá anggota mita in Mahkama Agama totokdon nomompon kon bongoḷan monia bo nomaḷú poḷat minayá nomongkug kon i Stepanus.

OUMAN IN RASUL MITA 1:8

Tongá moiko in mokouḻíbí kon kawasa, aka Roho i Allah mamangoidon kon i monimu bo moikodon nion in mobaḻí sakusi-Ku kon Yerusalem, kon bayongan butá in Yudea, kon Samaria, bo modapot in popod in dunia.”

YOHANES 16:2

Moiko in poḷuaionbí nongkon baḷoi mita in pososambayangan. Bo moiangoibí in wakutunea kon intau inta moḻimod kon i monimu in mosangka kon sia tua in dinumuduibí kon parenta i Allah.

LUKAS 24:47

Bo podoyon doman kon tangoi i Datu Mopoposaḷamat tatua mustibí popotaau kon bayongan in bangusa, kon intau in mustibí mogogai in mogaid kon inta diá mopia bo potaau doman kon ki Allah in mongampungbí kon bayongan dosa mita monia. Bo habar tatua in musti popotaau pangkoion kon Yerusalem.

MATIUS 22:6

bo oyúon doman in nodomok kon bobantungnea mita bo pinogutú poḷat iḻimod.

YEREMIA 7:25

Pinangkoi kon mogoguyangmu iḻumuai nongkon Mesir nodapot in singgai naa Akuoi in umuranbí nopotabá mangoi kon mogogundoi-Ku mita, nabi mita, namangoi kon inimu.

LUKAS 11:48

Bá kotaauan monimu, oaid monimu tatua, noginsilangbí kon intau, kon moiko in nosotuju kon onu inta inaidan in mogoguyang monimu; sin mogoguyang monimu in noḻimod kon nabi mita tatua bo moiko in nogaid kon poḷoḷobongan monia.

OUMAN IN RASUL MITA 11:27

Wakutu intua oyúon in tongonumai in nabi in namangoi nongkon Yerusalem mopobayá in Antiokhia.

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!