LUKAS 11:4 - Alkitab Singog In Mongondow Masa In Tanaa

⁴ Ampungaidon in taḷá mita nami, sin kami in nongampung domandon kon intau inta kotaḷá kon inami. Bo donaai pomayá mako in kami kobuḻian in pirisaya kon dodai in kami koantugan in totungkuḷ.’ ”

LUKAS 11:4 Referans Kwoze

MATIUS 26:41

Umuran poḷukad bo posambayang sinbá moiko in diá mokorasa kon sobaan, sin kinotaauan-Ku bidon in moiko, moiko in moibogbí mogaid kon inta kinoibog i Allah, táe moiko in tongábí intau moyangkó.”

KOLOSE 3:13

Mokoposabar kon tumpaḷa intau, mosiampungan aka oyúon intau in motagú kon yaat in ginanea kon intau ibanea. Nosanangbí in gina i Tuhan nongampung kon i monimu, tuamai in musti doman mosiampungan in moiko.

MATIUS 18:35

Pokotorop, “Ki Amá-Ku inta kon soroga in momia doman kon natua kon inimu, aka moiko komintan doí mongampung kon i utatmu totu-totuu.”

YAKOBUS 2:13

Sin diábí poontong i Allah in tabi-Nea kon intau inta diá nonotaau in totabian. Táe tabibí in moḷobe-ḷoben nongkon hukuman!

TIMOTIUS 2 4:18

Totuubí kon ki Tuhan in momilatbí kon inakó nongkon bayongan tomayá moraat, sahingga in diaan-Neabí in akuoi tumuot kon dodatuan-Nea kon soroga takin saḷamat. Tuamai in tantúbí dayow in Sia modapot in kopaḷutan dunia naa! Amin.

TESALONIKA 2 3:3

Táe ki Tuhan in umuranbí mosatia. Moginrigon kon gina bo moḷukad kon i monimu nongkon Inta Moraat.

KORINTUS 1 10:13

Bayongan in totungkuḷ inta korasaan monimu tua in bagubí totungkuḷ inta biasamai korasaan in intau. Táe ki Allah in tantúbí mosatia kon dandi-Nea. Diábí pomayá-Nea mako in moiko in koantugan totungkuḷ inta moiḻiudon kon komampuan monimu. Kon dodai in koantugan in sobaan in moiko, Sia in umuranbí mobogoi in daḷan kon i monimu, sinbá umuran moropot in moiko bo mokotahang.

YOHANES 17:15

Deemanbí Akuoi in mopoigum konbá gamáandon i Amá in mosia nongkon dunia naa, táe poigumon-Ku sinbá ḷukadan i Amá in mosia nongkon kawasa i inta moraat.

LUKAS 22:46

Bo Sia in noḻibó kon i monia, “Nongonu sin mosiugbí in moiko? Pobangondon bo posambayang sinbá diá kotugatan sobaan in moiko.”

LUKAS 8:13

Aka bibit inta noḷabú kon butá inta nobayong in batu, tua in ibarat intau inta nokidongog kon Pirman i Allah, bo notarima takin pia in gina, táe onu in dinongog monia tua diá noitonop kon bonu in gina monia. Mosia in tongá nopirisaya notoyong, naonda in kino angoian sobaan, mosia in diá nonahang bo nobaḷui in pirisaya monia kon i Allah.

HOSEA 14:2

Pobuidon mangoi kon i Tuhan Allahmu, ei bangusa in Israel! Dosamu ain nokopopisí kon inimu norondog bo noḷabú.

DANIEL 9:19

Tuhan, indongogaipa kaasí in kami, ampungaidon in kami, indoiaipa in kami bo ḷagidon posaḷamat! Dikabí mokopoonggot, sinbá bayongan in intau monotaau kon Ikobí in ki Allah. Sin Yerusalem bo umat-Mu in kapunyaan-Mubí inta ain sinondí.”

MAZMUR 25:18

Tondudutdon in roriga bo susahku, bo ampungaidon kaasí in bayongan in dosaku.

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.

WAHYU 2:10

Dikabí moondok kon yoyiga inta diádon moonggot in musti korasaan monimu. Pokotorop, oyúon in tongonumai intau kon sigad monimu in potuoton Ibilis kon bonu in ponjara sin mosoba kon i monimu. Moiko in mokorasa kon yoyiga kon bonu in mopuḷú nosinggai. Táe kotoinduduibí tantú in moiko kon i-Nakó modapot in matoi, dá moiko ogoian-Ku in kobiagan mononoi saḷaku tombuinag sin nountungdon.

MAZMUR 121:7

Ki Tuhan in moḷukadbí kon inimu nongkon anib, Sia in moḷukad kon inimu sinbá kobiaganmu in mosaḷamat.

MAZMUR 25:11

Tuhan, ampungaidon in akuoi podudui in dandi-Mu, sin moḷobendon in taḷáku.

DATU MITA IMITÁNEA 8:36

igumon mako in nongkon soroga in Iko moibogpa mokidongog kon i monia. Bo ampungaipa kaasí in dosa in umat-Mu Israel bo in datu monia. Tundúdon in mosia momia kon onu inta moitutui. Mopaḷut mako kon tua, o Tuhan, popoangoidon in uyan kon butá-Mu tanaa, butá inta inogoi-Mu kon umat-Mu sin mobaḻí kapunyaan monia mononoi.

DATU MITA IMITÁNEA 8:34

yo igumon mako indongogan-Mupa kon soroga kaasí in mosia. Igumon mako in ampungan-Mupa in dosa in umat-Mu tanaa, bo diaan in mosia mobui kon butá inta ain inogoi-Mu kon mogoguyang monia.

KINOBAḺIAN 48:16

Sia tuata in malaekat inta ain nomilat kon inakó nongkon bayongan bodito. Poigumon mako ki Allah tatua in momarakat kon adí mita tanaa. Poigumon mako umuran mobiag in tangoiku bo tangoi i Abraham bo i Ishak sin adí mita tanaa! Poigumon mako mosia in mononggadí mononggompu, bo momuí mobarong kon dunia naa.”

LUKAS 11:5

Onda intua noguman doman Sia kon murí-Nea mita nanaa, “Aka kuma kon sigad monimu oyúon in tobatú intau mayá in baḷoi yobayatnea pongantog in doḷom bo moguman, ‘Uḻe, popoḷuanaipa in bogat in akuoi,

LUKAS 13:4

Andeka kai monimu kamai yo intaubí inta mopuḷú bowaḷu inta kinoumpagan in ḷangkeang kon diug in Siloam in moḷobe-ḷoben in dosa nongkon intau mita inta nogutun kon Yerusalem?