LUKAS 11:28 - Alkitab Singog In Mongondow Masa In Tanaa

²⁸ Táe ki Yesus noguman nanaa, “Intau inta mosanang totok in mosiabí inta moibog mokidongog kon Pirman i Allah, bo moibog mogaid kon onu inta pinoguman-Nea!”

LUKAS 11:28 Referans Kwoze

LUKAS 8:21

Táe ki Yesus in noguman kon i monia, “Intaubí mita inta moibog mokidongog kon Pirman i Allah bo inta moibog mogaid kon onu inta kinoibog-Nea, tuatabí in ki iná bo ki utat-Ku mita.”

MAZMUR 112:1

Dayowdon in ki Tuhan! Pia in kamang in intau inta motoguondok, inta moibog in parenta mita i Tuhan.

YOHANES 13:17

Aka kinotaauandon monimu komintan in naa, yo mosanang bidon in moiko aka pomiaanmu.

MAZMUR 128:1

Dondong mayá in Baḷoi Tuhan. Pia in kamang in intau inta motoguondok bo nobiag noidudui kon parenta i Allah.

WAHYU 22:14

Mosanangdon totok in intau inta nomatá kon jubahnea kinodarit totok. Mosia in motaau mokaan kon bungai in pangkoi in kayu kobiagan bo tumuot kon bonu in kotá mongin ngaranea.

AMSAL 8:32

Tuamai, indongogaidon in akuoi, ei intau mita inta mongobagupa! Duduiaidon in topotundúku, dá mosanangbí in iko.

AMSAL 19:16

Intau inta dumudui kon parenta mita i Allah in mosaḷamat, intau inta diá mopandung in matoibí.

WAHYU 1:3

Totokdon mosanang in intau inta mobaca bo inta mokidongog kon habar inta pinotaau i Allah muna bo inta ain pinais kon bonu in buk tanaa bo mosatia kon onu inta pinais kon bonunea. Sin diádon moonggot bo tua komintan in mobaḻí.