LUKAS 11:27 - Alkitab Singog In Mongondow Masa In Tanaa

²⁷ Koyogotpa in ki Yesus nosingog, indoianmai tobatú bobay kon sigad intau mobayong tatua nogumanbí kon i Yesus nanaa, “Mosanangdon totok in bobay inta nopolahir bo nopoteté, kon i Tuang.”

LUKAS 11:27 Referans Kwoze

LUKAS 1:42

bo poḷat nosingog noropot, nanaa, “Binarakatandon in iko kon sigad in bayongan bobay! Binarakatan doman in adí inta polahirmu!

LUKAS 23:29

Sin moiangoibí in wakutunea intau in mosingog nanaa, ‘Totuu kon mopia totok in bobay mita inta diá dodai onda in nononggadí bo inta diá doman dodai onda in nopoteté!’

LUKAS 1:48

Sia nokotorop kon inakó, bobantung inta nobogá! Pinangkoi kon tanaa mako bayongan in intau moguman kon akuoi in totok mosanang.

LUKAS 1:28

Malaekat tatua sinumuot kon baḷoi i Maria bo poḷat noguman nanaa, “Salam kon inimu inta binarakatan, ki Tuhan in koyota-yotakinmu.”

LUKAS 11:26

Dá iḷumuai bui in dimukud moraat tatua bo nogoiní kon dimukud moraat ibanea taya pitu inta moraa-raat nongkon inia. Onda intua mosia nogutun kon intau tatua, dá pangabisannea, kaadaan in intau tatua in nodugang moraat nongkon kaadaannea inta muna.”

AMSAL 23:25

Igumon mako in ki amá bo ki inámu mopia in ginanea kon inimu; igumon mako in mosanangdon totok in bobay inta nopononggadí kon inimu.