LUKAS 10:19 - Alkitab Singog In Mongondow Masa In Tanaa

¹⁹ Pokotaau! Moiko aindon inogoian-Ku in kawasa poritak kon uḷag bo bambau, bo kawasa pomutoḷ kon ropot in saturu, dá diá bidon in mokobodito kon i monimu.

LUKAS 10:19 Referans Kwoze

MAZMUR 91:13

Ḷampanganmubí in uḷag bo singa, moritak kon singa batánea bo uḷag mobisa.

MARKUS 16:18

Aka mosia mokadai kon uḷag andeka monginum kon rasum, diábí mobodito in mosia. Bo aka kadaian monia in intau mita motakit yo mongopia.”

SURAT I PAULUS KON JAMAAT RUM 16:20

Ki Allah inta mobogoi in kobiagan motompia kon intau, mopotungkudbí in Ibilis kon ḻimonag in kawasamu bo rimumudonmu in sia. Poigumon doman mako, moiko in umuran barakatan i Yesus Kristus, Tuhan naton!

OUMAN IN RASUL MITA 28:5

Táe pinomisik i Paulus kon tuḷu in uḷag tatua bo topiḻikmai diábí nogamui kon monakit.

WAHYU 11:5

Aka oyúon in intau monungkuḷ mogaid kon inta diá mopia kon i monia, dá ḷumuaidon in tuḷu nongkon bibig monia bo tua in momokak kon saturu mita tatua. Dá natua in daḷan kopopatoi in intau mita inta mogaid kon inta diá mopia kon i monia.

YEHEZKIEL 2:6

Táe iko, ei intau inta ilo-ilow, dikabí moondok kon momomarontak mita tatua, andeka kon onukadon in singogon monia. Mosia in monayowbí bo moningkuḻe kon inimu, modapot in iko in naonda bo nobiag kon yua-yuak in bambau. Umpaka natua, yo dikabí moondok.

YESAYA 11:8

Nodapot in adí mointok diábí tompaḻían aka mogogitog kon diug in uḷag mobisa.

TAWARIKH 2 10:11

Ki amáku nobogoi in oaidan inta mobogat kon inimu, táe akuoi in modugangbí kon kobogatnea kon tua. Sia in moposambok kon i monimu in sambok, táe akuoi in moposambokbí kon i monimu in sambok inta dodugian uatoi!’ ”

LUKAS 11:12

Andeka aka ki adínea moigum kon natu yo ogoiannea in uḻipan?