LUKAS 1:8 - Alkitab Singog In Mongondow Masa In Tanaa

⁸ Kon singgai tobatú, wakutu in kolompó i Abia naa nokouḻí kon tonsilai tumuot kon Baḷoi Tuhan, dá ki Zakharia in minayá bo nogaid kon oaidan in imang kon tayowon i Allah.

LUKAS 1:8 Referans Kwoze

TAWARIKH 2 8:14

Podudui kon atorang mita i Daud ki amánea, ki Salomo in nonantú kon oaidan pomuḷoi in singgai in imang mita bo intau mita in Lewi inta musti mopodondong in dondong dodayow kon i Tuhan bo mobantung kon imang mita mopobayá in upacara mita ibada. Bo moḷoḷukad mita doman in Baḷoi Tuhan in sinilainea kinolompok sin moḷukad kon batúan in bonawang, pinodudui in topotundú i Daud mogogundoi i Allah.

TAWARIKH 1 24:19

Tangoi in intau mita tatua in pinais pinodudui in wakutu monia tumuot kon Baḷoi Tuhan bo mopobayá in oaidan monia kon ibada inta ain sinantú i Harun, mogoguyang monia, podudui in parenta i Tuhan, Allah in Israel.

TAWARIKH 2 31:2

Ki Datu Hizkia in nonantúdon bui kon paanan mita in imang mita bo intau in Lewi podudui in tonsilai in oaidan monia. Oaidan mita tatua in soaḷ mita inta noiduduimai naa: moposumba in kuruban payongon bo kuruban dodamean, mopobayá in upacara ibada kon Baḷoi Tuhan, bo modayow poḷat mopoyaput in sukur kon i Tuhan kon bayongan tampat kon bonu in Baḷoi Tuhan.

LUKAS 1:5

Wakutu in ki Herodes nobaḻí datu kon butá in Yudea, oyúon inang, tangoinea ki Zakharia. Ki Zakharia naa in inang nongkon kolompó inta sinangoian “kolompó Abia” (imang mita buí i Eleazer). Ki buḷoinea buí doman in inang, tangoinea in ki Elisabet.

EZRA 6:18

Bo inta pinaké kon pinogundoian kon bonu in Baḷoi Tuhan mosia in nopoyotondí kon imang mita bo intau mita in Lewi podudui in atorang inta pinais kon bonu in buk i Musa.

TAWARIKH 2 31:19

Kon sigad in imang mita inta nogutun kon kotá mita inta ain sinantú kon buí i Harun, andeka kon rawang mita kon diugmai in kotá mita tatua, sinundú in intau mita sin mosilai kon kokaanon kon bayongan in ḷoḷaki kon bonu in motoḷuadí in imang, bo kon batúan in intau inta pinais kon bonu in suku Lewi.

TAWARIKH 2 11:14

Intau in Lewi mita tatua nonaḷámai kon rawang in bonok bo butá monia bo nomamping kon Yohuda bo Yerusalem, sin ki Yerobeam bo datu mita inta nomaḷui kon inia in diá nobogoi kon i monia nogaid nobaḻí imang i Tuhan.

PINOGIAPAN 18:7

Táe tongábí iko bo adímu mita in motaau mopobayá in oaidan in imang, kon bayongan oaidan inta noyotogot in mezbah bo onu inta kon Yuang Motusi. Tuata in kon bonu in totaaumu, sin Akuoi ain nomaḻí kon inimu imang. Bayongan intau inta diá inogoian in hak tatua yo hukumon matoi aka dimiug kon barang mita inta motusi tatua.”

IḶUAIAN 30:30

Toguḷuai in ḷana in ki Harun bo ki adínea mita sinbá mosia in duíondon imang inta mogaid kon oaidan-Ku.

IḶUAIAN 29:44

Baḻíon-Ku in Ḷoḷaigan bo mezbah tatua motusi. Ki Harun bo ki adínea mita in potondíon-Ku nongkon intau ibanea sinbá mosia motaau mogaid kon oaidan-Ku mobaḻí imang.

IḶUAIAN 29:9

bo baan kon i monia, bo bogot in uḷu popotogot domandon kon uḷu monia. Natuata in pododuí kon i Harun bo kon i adínea mita. Mosia bo buí monia in musti mobantung kon i-Nakó mobaḻí imang inta mononoi.

IḶUAIAN 29:1

“Nanaa in pododuí kon i Harun bo kon i adínea mita sinbá mosia motaaudon mogaid kon oaidan-Ku mobaḻí imang. Pogamádon kon sapi koḷakian tobatú inta batáneapa bo domba koḷakian doyowa inta totok in moḷunat.

IḶUAIAN 28:41

Popoḷutudon in pakeang tatua kon i Harun ki utatmu bo kon i adínea mita. Toguḷuai in mosia in ḷana zaitun; tuata in pomiaan monimu sinbá mosia motaaudon mogaid kon oaidan-Ku mobaḻí imang.

IḶUAIAN 28:1

“Oinídon in ki Harun ki guya-guyangmu takin ki adí mita ki Nadab, ki Abihu, ki Eleazer bo ki Itamar, potondídon in mosia sinbá motaau mobantung kon i-Nakó mobaḻí imang.

LUKAS 1:7

Tongá mosia naa in diá kogadí, sin ki Elisabet in bantó bo taya dua naa aindon mogoguyang doman.