LUKAS 1:73 - Alkitab Singog In Mongondow Masa In Tanaa

^73-74 Sin tuata in ibot-Nea kon i Abraham ki amá naton, Sia in nodandi kon moposaḷamat kon i naton nongkon saturu naton, sinbá kita in diá koaputan in ondok in mogundoi kon i-Nia.

LUKAS 1:73 Referans Kwoze

MAZMUR 105:9

Dodandian tatua in pinomia-Nea takin i Abraham, bo noiduduimai takin i Ishak;

ULANGAN 7:8

Táe ki Tuhan nomiḻí kon i monimu sin motabi in Sia kon i monimu bo mogintompod kon dandi inta pinomia-Nea takin mogoguyangmu. Tuamai in noposaḷamat in Sia kon i monimu takin kawasa inta moḷoben bo nopoḷuat kon i monimu nongkon kawasa i datu in Mesir.

YEREMIA 11:5

Aka mosia mogaid kon bayongan intua, Akuoi in mogintompodbí kon dandi-Ku kon mogoguyang monia kon butá inta mopia bo nooyúon, inta tanaa inutunan monia tua, in ogoi-Ku kon i monia.” Akuoi in notubag, “Mopia, Tuhan.”

ULANGAN 7:12

“Aka tarukiraan monimu in parenta mita tatua, bo mosatia in mopoaid, dá ki Tuhan Allahmu in mosatiabí doman kon dodandian inta pinomia-Nea takin i monimu. Sia in mopoontongbí in tabi-Nea inta motantú kon i monimu, ná inta pinodandi-Nea kon mogoguyangmu.

IBRANI 6:13

Sin wakutu in ki Allah nodandi kon i Abraham, nongibot in Sia kon totu-totuubí mobaḻí in onu in pinodandi-Nea tatua. Bo lantaran diábí in moḷantu-ḷantud nongkon i-Nia, dá nongibot in Sia pinodoyon kon tangoi-Nea tontaní.

KINOBAḺIAN 26:3

Akuoi in moḷukadbí bo momarakat kon inimu. Komintan butá tanaa in ogoi-Kubí kon inimu bo kon buímu. Intompodan-Kubí in dandi-Ku inta ain pinoguman-Ku kon i Abraham ki amámu.

KINOBAḺIAN 24:7

Ki Tuhan, Allah inta nongawasa kon ḷangit, aindon nodia kon inakó nongkon baḷoi i amáku bo nongkon butá in ginaḷumku, bo Sia ain nongibot kon inakó kon Sia in mobogoibí in butá tanaa kon buíku. Sia in mopotabábí doman in malaekat-Nea sin motuḷung kon inimu, sinbá iko in mokouḻí kon bobay tobatú kon tua sin baḻíon buḷoi i adíku.