LUKAS 1:66 - Alkitab Singog In Mongondow Masa In Tanaa

⁶⁶ Bo komintan intau inta nokodongog kon ouman tatua noḻibo-ḻibóan kon bonu in gina, “Mobaḻí onu degá in adí tatua in kon singgai moiduduimai?” Sin sia kokapi-kapit i Tuhan.

LUKAS 1:66 Referans Kwoze

OUMAN IN RASUL MITA 11:21

Kawasa i Tuhan umuran kotaki-takin monia, sahingga in nobayongdon in intau in nopirisaya bo moposarakan in kobiagannea kon i Tuhan.

LUKAS 2:51

Onda intua ki Yesus nobuidon kon Nazaret noyotakin monia bo umuran dinumudui kon parenta in guyanga-Nea. Bayongan inta ain nobaḻí umuran sinagú i Maria kon bonu in ginanea.

LUKAS 2:19

Táe ouman tatua sinagú mako i Maria kon bonu in ginanea bo umuran kon bonu in raiannea.

KINOBAḺIAN 39:2

Ki Tuhan notuḷung kon i Yusup dapot in sia umuran mokodungkuḷ kon inta mopia onukabí in aidannea. Sia in nogutun kon baḷoi i tuangnea, intau in Mesir tatua.

LUKAS 9:44

“Tarukira bo dika koḻiongan in singog-Ku tanaa: Ki Adí Intau posarakan kon kawasa in intau.”

LUKAS 2:40

Adí tatua nodugangdon in koḷoben bo koropot-Nea. Sia mobijaksana totok bo totok doman kinotabi i Allah.

LUKAS 1:80

Ki adí i Zakharia tatua kodugang-kodugangdon in koḷobennea bo rohonea in koropot-koropot domandon. Bo sia in umuran nogutun kon padang gurun nodapot in singgai inta aindon sinantú kon pokipogontongannea kon intau in Israel.

MAZMUR 119:11

Totundú in sinagúku kon bonu in ginaku, sinbá akuoi diá baradosaan kon ini-Mu.

MAZMUR 89:21

Nouḻí-Kudon in ki Daud, mogogundoi-Ku, bo dinuí-Ku in sia takin ininggúan in ḷana in upacara.

DATU MITA IMITÁNEA 18:46

Kon dodai intua ki Elia nokouḻí kon ropot nongkon i Tuhan. Nongopí in sia kon jubahnea pinodamonik bo pinopotogotnea kon ogotannea bodongka noribatuk inumuna kon i Ahab kinoouput in daḷan nodapot kon bonawang in kotá Yizreel.

SAMUEL 1 16:18

Nokodongogmai kon natua bobantungnea tobatú noguman, “Ki Isai intau inta nogutun kon kotá in Betlehem kogadí kon ḷoḷaki tobatú inta mopia mopogogitog in musik. Sia tua in intau inta mobarani bo tontara inta mopia. Apa doman sia tua intau inta motorindog bo motoḻindat mosingog, bo ki Tuhan in umuran motuḷung kon inia.”

SAMUEL 1 2:18

Kon dodai intua, ki Samuel inta mongoadípa tantú mogundoi kon i Tuhan. Nomaké in sia in ḷambung inta ain sinantú nongkon kaeng linen, ná ḷambung inta pakéonmai in imang mita kon ibada.

KINOBAḺIAN 37:11

Ki guya-guyang mita i Yusup nointoidon kon inia, táe ki amánea umuran moraimai kon togoindop tatua.

MAZMUR 80:17

Musung ain nomupuḷ bo noturub kon inia; biódon mako mosia in yopúon in torú-Mu.

KOLOSE 1:5

Moiko in mopirisaya bo motabi, sin moiko in moharap kon onu inta ain sinadia i Allah kon i monimu kon soroga. Ain dinongog monimu in soaḷ tatua wakutu in Habar Mopia inta nobanar in pinoyaput kon i monimu.