LUKAS 1:10 - Alkitab Singog In Mongondow Masa In Tanaa

¹⁰ Kon dodai in pinotubaan kon kamania, bayongan in intau nosipun kon ḷuai bo nosambayang.

LUKAS 1:10 Referans Kwoze

IMAMAT 16:17

Pinangkoi kon dodai in ki Harun tumuot kon Yuang Totok Motusi sin momia kon upacara pondaritan modapot in sia ḷumuai, diá tobatúmai in motaau kon bonu in Ḷoḷaigan tatua. Naonda in mopaḷut mako in sia momia kon upacara potobutan kon dosanea bo kon tombonu in baḷoinea bo dosa in bayongan bangusa Israel,

WAHYU 8:3

Tobatú malaekat ibanea inta nodia kon pototubáan kon kamania inta pinomia nongkon buḷawan, namangoi bo sinimindog kon tayowon meja pogogukatan kon sosumba. Sia inogoian in kamania nobayong sin potakin kon sambayang mita in bayongan umat i Allah bo posumba doman kon meja pototuduan kon sosumba inta kon tayowon tampat pomomarentaan.

IBRANI 9:24

Sin ki Kristus in diábí sinumuot kon Yuang Motusi inta pinomia in intau, inta nobaḻí lambang in yuang Motusi inta totokea. Ki Kristusbí tontaní in sinumuot kon soroga; tanaa Sia in minayá kon tayowon i Allah sin lantaran kopontingan naton.

IBRANI 4:14

Manangka intua, musti umuran in kita kumadai kon onu inta ain ináku bo pinirisaya naton sin oyúondon in Imang naton momulia bo inta moḷoben. Sia ain sinumuot dapot kon tayowon i Allah, Sia tuata in ki Yesus ki Adí i Allah.

MAZMUR 141:2

Tarimapa in sambayangku saḷaku sosumba kamania, bo ḻimaku inta noiyopa saḷaku kuruban doḷom.

YEHEZKIEL 46:3

Kon tayowon in bonawang doman tatua, bayongan in rayat musti dumokó mosumba kon i Tuhan in pomuḷoi in singgai in Sabat bo kon Poramean kon Singgai Moḷoben Buḷan Mobagu.