KORINTUS 2 8:18 - Alkitab Singog In Mongondow Masa In Tanaa

¹⁸ Bo kami in nopotabá doman in tobatú utat naton noyotakinnea, utat naton tanaa in totokbí i horomat in bayongan jamaat sin oaidannea nopoyaput in Habar Mopia nongkon i Allah.

KORINTUS 2 8:18 Referans Kwoze

KORINTUS 2 12:18

Totuu kon akuoi in nopotabá kon i Titus mayá kon i monimu, takin intau inta ki utat doman naton ibanea inta noyotakinnea. Táe umpaka yo nokoimontandon in ki Titus in motayak kon kauntungan kon i monimu? Mogaid tanaa, tujuan naminda in notongkaibí, natua doman in aid mita naminda!

KORINTUS 2 8:19

Bo deeman doman tongá tua! Intau tatua in piniḻí doman bo sinantú in jamaat sin moyobayat nami kon bonu in bobayáan mopoyaput in sumbangan, sinbá ki Tuhan in umuran dayowon bo bá ontongan doman monimu kon kami in umuranbí totu-totuu moibog motuḷung.

KORINTUS 1 7:17

Naa in atorang inta pinobayáku kon bayongan jamaat: Pomuḷoi in intau musti mobiag tumompia podudui kon inta kinoibog i Allah, ná inta ain sinantú-Nea wakutu in nogoiní kon i monimu kon bá mopirisayadon kon i-Nia.

KORINTUS 2 2:12

Kon wakutu in noiyaputdon kon Troas sin makusud mopoyaput in Habar Mopia soaḷ ki Kristus, akuoi in inogoian i Tuhan in daḷan mogaid kon tua.

SURAT I PAULUS KON JAMAAT RUM 16:4

Mosia tua ain nopotaru in nyawa monia sin moposaḷamat kon inakó. Akuoi takin jamaat mita inta deeman intau in Yahudi mopoyaput in sukur moantó kon i monia tua.

KORINTUS 1 4:17

Manangka intua pinotabákudon mangoi kon i monimu in ki Timotius. Saḷaku dumodudui i Kristus, sia in inanggapkudon ná ki adíku tontaní inta totok in kotabiku. Sia naa in adí inta totok in mojujur. Bain sia in mongonguman bui kon i monimu soaḷ kobobiagku wakutu in nopirisayadon in akuoi kon i Kristus, tuata in kobobiagku inta sinundúkudon kon bayongan in jamaat kon ondakadon.

KORINTUS 1 16:3

Aka akuoi mamangoidon yo potabákudon mayá in Yerusalem in intau mita inta kinoibog monimu mayá. Mosia tua in pokidiaankubí in surat saḷaku ḷouna in singog.