KORINTUS 2 7:14 - Alkitab Singog In Mongondow Masa In Tanaa

¹⁴ Totu-totuubí kon moiko in dinui-duíku bidon kon tayowon i Titus. Bo sukurdon sin moiko in diá tongá mokopooyámai kon i nakó. Bayongan inta ain inouman nami kon i monimu tua in totuubí. Natua doman onu inta dinui-duí nami soaḷ moiko kon tayowon i Titus in noitotuubí doman.

KORINTUS 2 7:14 Referans Kwoze

TESALONIKA 2 1:4

Tuamai moiko in umuran oumanon nami kon jamaat mita inta kinobayáan nami. Mosanang totok in gina nami in mongonguman kon soaḷ kororoton in pirisaya monimu kon i Kristus, umpaka pogutúon bo koantugan in roriga.

KORINTUS 2 8:24

Tuamai poigumon nami, poniatabí in tabi monimu kon i monia, sinbá bayongan in jamaat monotaaudon kon moiko in motabibí kon i monia, bo onu in dinui-duímai nami soaḷ moiko moniata kon totuubí.

KORINTUS 2 7:4

Akuoi in mopirisaya bidon totok kon i monimu. Moiko nion inta totok mokoḷunganga kon ginaku! Umpakabí mobayong in yoyiga korasaanku, táe noundambí in ginaku, sin lantaran moiko nion. Totuu moḷunganga in ginaku!

KORINTUS 2 10:8

Akuoi in diábí mooyá aka akuoi tantú moduí mako kon kawasa inta ain inogoi i Tuhan kon i nami, sin kawasa tatua in ogoibí pomiag kon i monimu, deemanbí pomatoi.

KORINTUS 2 7:6

Tongá sukur mako, sin ki Allah in tantú nobogoi in gina moropot kon intau inta moompá in dodia; bo pinopoangoi-Nea in ki Kristus, sinbá mosanang totok in gina nami.

YOHANES 17:19

Popisí in kopontingan monia, Akuoi in noposarakandon in awak-Ku saḷaku kapunyaan i Amá sinbá mosia in tongá doman mobaḻí kapunyaan-Ku pongin inta nobanar nongkon i Amá.

KORINTUS 2 2:13

Táe mogagawang totok in ginaku sin diápa noyodungkuḷ i utat naton ki Titus in akuoi. Tuamai akuoi nogumandon kon intau mita kon tua bo akuoi nopobayádon in Makedonia.

KORINTUS 2 7:13

Tuabí manangka in noonow in gina nami. Koḻikud in moonow, nodugang doman totok ḷunganga in gina nami sin nokoontong kon ḷunganga in gina inta kinorasaan doman i Titus; nopia in ginanea lantaran moiko.

KORINTUS 2 12:6

Sin aka kuma bo moibog doman in akuoi moduí kon rupa-rupa, yo akuoi in doíbí umambungangaḷ mosingog kon uboḷ; ondabí in totuu, tuabí in poguman. Táe tahangonkupabí, sinbá dika bo anggapon monia in akuoi kon noiḻiudon kon onu inta ain inontong bo inta dinongog monia kon i nakó.

PILIPI 1:26

Sahingga aka akuoi mobuidon mangoi kon i monimu, dá modugangdon ḷoben in dodoyonan porasaan pia in gina monimu tua kon inakó.