KORINTUS 2 7:12 - Alkitab Singog In Mongondow Masa In Tanaa

¹² Tuamai, umpakabí akuoi in nomaisdon kon surat tatua, táe pinaisku intua deemanbí lantaran intau inta kotaḷá tatua. Bo deemanbí doman lantaran intau inta nororiga sin pinopisí in taḷá tatua. Akuoi in nomais kon surat tatua sinbá kon tayowon i Allah, kotaauandon monimu tontaní kon moḷobenbí totok in perhatian monimu kon i nami.

KORINTUS 2 7:12 Referans Kwoze

KORINTUS 2 2:9

Suratku tanaa in monungkuḷbí kon i monimu, mongo moibogpa ande doídon degá in moiko mokidongog kon onu inta pinogumanku kon i monimu.

TIMOTIUS 1 3:5

Sin aka intau tatua diá motaau monompia kon tombonu in baḷoinea tontaní, yo naondabí in sia monompia kon jamaat i Allah?

KORINTUS 2 11:28

Bo pomuḷoi in singgai moḻia-ḻiaw doman in ginaku kon kaadaan in bayongan jamaat.

KORINTUS 2 11:11

Eta nongonubí sin mosingogbí in akuoi kon natua? Degá diá motabi in akuoi kon i monimu? Kinotaauanbí i Allah in tabiku kon i monimu!

KORINTUS 2 7:8

Uḻe, umpakabí suratku tanaa mokojar kon gina monimu, táe diábí nomanasaḷ in akuoi in nomais. Totuubí kon nokoimontanbí doman in akuoi nomanasaḷ in nomais, wakutu in inindoiankumai suratku tatua mokoajar kon gina monimu – umpaka diá noonggot – táe oyúonbí doman in panasaḷanku topiḻik.

KORINTUS 2 2:17

Sin kami in diábí ná intau ibanea inta tongá moibog motayak kon kauntungan nongkon habar i Allah tatua. Motuḻidbí totok in tujuan nami, sin ki Allahbí in nokiaid intua komintan kon i nami. Bo inontongbí i Allah tontaní kon kami in nopoyaput in habar tatua nogaidbí saḷaku mogogaid mita i Kristus.