KORINTUS 2 7:10 - Alkitab Singog In Mongondow Masa In Tanaa

¹⁰ Sin ajar in gina natua mopomungaibí in mopia bo mokosaḷamat. Bo tua in diábí mokomanasaḷ kon intau. Táe aka ajar in gina inta pinodudui in ibog in intau, yo tua in mokopatoibí.

KORINTUS 2 7:10 Referans Kwoze

OUMAN IN RASUL MITA 3:19

Tuamai pokoratakdon kon raian bo pogogaidon in mogaid kon dosa mita, sinbá ampungandon in dosamu tatua.

OUMAN IN RASUL MITA 11:18

Naonda in dinongog monia intua, nopiadon in gina monia komintan poḷat nodayow kon i Allah. Kai monia, “Aka natua, dá intau mita inta deeman Yahudi inogoianbí doman i Allah in kasampatan mogogai in mogaid kon dosa mita bo mokouḻí kon kobiagan mononoi!”

SAMUEL 2 12:13

Bo noguman in ki Daud kon i Natan, “Binaradosadon in akuoi kon i Tuhan.” Tubag i Natan, “Ki Tuhan in nongampungdon kon i Tuang; dá ki Tuang in diábí matoi.

LUKAS 18:13

Táe mononagi kon pajak tatua in sinimindog iyumayú bo diá doman kobaḻí in ḷumangag kon ḷangit in nosambayang. Sia in tongá kopia moyapu kon dodobnea bo nosingog nanaa, ‘O Allah, kotabipa in akuoi naa, sin akuoi naa intaubí baradosa!’ ”

LUKAS 15:10

Natua doman in malaekat mita i Allah, mopia in gina monia aka oyúon tobatú intau inta moraat in mogogaidon in mogaid kon dosa. Tuamai, popirisayabí!”

YUNUS 3:10

Inontong i Allah in aid monia; inontong-Nea kon mosia in nonaḷámaidon kon dodia monia inta moraat. Dá binaḷuian-Neadon in tomayá-Nea, bo diádon nobaḻí nohukum kon i monia.

IBRANI 12:17

Sinbá kotaauan monimu, naonda in ki Esau moibog mokouḻí kon barakat nongkon i amánea, sia sinolak. Sin umpakabí takin ombaḷ sia motayak kon daḷan mopoyotutui kon onu inta noitaḷá, táe diá bidon in kasampatannea.

AMSAL 17:22

Gina inta mosanang in mokosehatbí kon awak; gina molamurú mokoinggamá kon ibog.

YUNUS 4:9

Táe ki Allah in noguman kon inia, “Diábí patus moajar in ginamu námai tua tongá popisí in pinomuḷa tatua!” Tubag i Yunus, “Eta Nongonu sin diá? Patusbí in akuoi tumorú totok modapot in matoi.”

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.

KORINTUS 2 12:21

Moḻia-ḻiaw doman in ginaku sin dikabo naonda in akuoi mamangoi bui, popoompáan i Allah in akuoi kon tayowon monimu, bo mongombaḷ in akuoi sin nobayongdon in kon sigad monimu in nogaid kon dosa wakutu intua bo diápa doman nobaḷui, bo tantúpa doman nogaid kon oaid mita inta moraat totok bo inta diá patus aidan i intau inta mopirisaya.

MATIUS 26:75

Bo kinotoropandon i Petrus onu inta ain pinoguman i Yesus kon inia, “Wakutu in manuk diápa mokukú iko in kotoḷudon nomayow kon deeman murí-Ku.” Bo iḷumuai in sia, bo nongombaḷ sin norobonoḷ totok in ginanea.

YUNUS 3:8

Intau bo mahaḷuk in mustibí mopomaké in kaeng karong. Saḷaku tomponuot kon pomanasaḷan, dá bayongan in intau musti mosambayang totu-totuu kon i Allah. Mosia in mustibí monombaḷui kon dodianea inta moraat bo aidnea inta nopuḻing in dosa.

YEHEZKIEL 7:16

Tongosilai in kotaḻibanbí bo moḷagui mayá in buḷud. Kon tua mosia in nádon onda bo ḷagapan mita paḷoma inta binuntun nongkon ḷopá mita; komintanbí mogongot popisí in dosa mita monia.

YEREMIA 31:9

Mosia in mayá takin moḷabú in ḷuá, Ḻipoion-Ku bo kapiton-Ku in mosia. Diaan-Ku in mosia mongin tampat mita inta mobayong in tubig, mongin daḷan motondodai inta diá in kopintudan. Kon i Israel, Akuoi in naonda bo ki amá; Epraim in ki adí-Ku ḷoḷaki guya-guyang.”

AMSAL 18:14

Popisí in ibog mobiag, intau in mokopotaanbí kon roriga; moinggamá in ibog tatua, moinggamá doman in bayongan kamang.

AMSAL 15:15

Intau inta molamurú mako musti tantú rumopot kon bonu in kobiagannea, táe inta mokosing mako umuranbí mosanang.

AMSAL 15:13

Gina mosanang mokotarimbuka kon pogot; gina inta morobonoḷ in mokoḷungkoyó.

DATU MITA IMITÁNEA 21:4

Takin norobonoḷ in gina bo torú sin nokodongog kon onu inta siningog i Nabot kon inia, ki Ahab nobui bo inumuḻid kon tosiugannea poḷat sinumongkob bo doí nongaan.

SAMUEL 2 17:23

Naonda in kinotaauan i Ahitopel kon tongginanea in diá dinuduian, sia nopopakédon in ḷoḻitúan kon keledainea bo nobui kon kotánea tontaní. Naonda in noginḷapat mako kon bayongan in oaidannea ginumantongdon in sia, bo iḷobong kon bonu in poḷoḷobongan kon inanakannea.

SAMUEL 2 13:4

Ki Yonadab in noguman kon i Amnon, “Adí i Datu, nongonu sin pomuḷoi in singgai iko koontongan umuranbí molamurú mako? Eta nongonu degá?” Tubag i Amnon, “Akuoi in moibogdon kon i Tamar, ki ai-ai Absalom ginaḷumku tua.”

KINOBAḺIAN 30:1

Táe ki Rahel in diápa doman kogadí. Manangka intua nointoidon in sia kon i guya-guyangnea, bo sia noguman kon i Yakub, “Ogoiaidon akuoi in adí, aka diá, yo akuoi in simimpatoidon.”

MAZMUR 38:18

Akuoi in gogió bo moumpag, umuranbí mokorasa kon monakit.

MOHOHUTUBA 7:3

Robonoḷbí in dodob in mopia-pia in kosing. Umpaka molamurú mako, asaḷ bo gina in mosanang.

KORINTUS 2 7:9

Táe tanaa mako in mosanangdon in ginaku – tongá deemanbí nosanang in gina lantaran noajar in gina monimu. Táe lantaranbí naonda in nokorasa kon ajar in gina tatua, dodia monimu in nobaḷui. Tua komintan in totundú mita i Allah, sahingga in diábí norugi topiḻikmai in moiko.