KORINTUS 2 6:4 - Alkitab Singog In Mongondow Masa In Tanaa

⁴ Táe naabí in popoontong nami kon bayongan in intau, onukabí in aidan nami, yo pinoniatabí nami kon kami in totu-totuubí mogogaid mita kon oaidan i Allah. Sin bayongan in yoyiga ain bidon nodait nami sinarima takin gina moonow:

KORINTUS 2 6:4 Referans Kwoze

KORINTUS 2 12:10

Tuamai mopiabí in ginaku aka umuran moḻemé nanaa in kaadaan in awakku. Bo mopiabí doman in ginaku aka lantaran ki Kristus, akuoi in poponapudan in uboḷ, mokorasa kon rupa-rupa yoyiga, aḷo-aḷowan mako pogutúon. Sin aka korasaanku bo diádon mokopongonu in akuoi, yo kon wakutupa doman tuata bo oyúon ropot in korasaanku.

KORINTUS 2 4:8

Kami totok in irupa-rupamai monia, táe naapabí doman mako in kami. Kinodaitanbí doman akaḷ in kami, táe harapan nami in tantúbí oyúon.

KORINTUS 2 11:27

Rumopot totok in akuoi in mogaid, dá mokakit in diádon mokoposiug, diádon mokopongaan, diádon mokoponginum, bo mokakit domandon in monahang tonow sin diádon koḷambu-ḷambung pakéon bo diá domandon in baḷoi pogutunan.

KORINTUS 2 12:12

Bayongan inta mokoherang, inta diá mita in poḻiu tua bo oaidan inta moḷoben, takin kasabaran moḷoben pinoontongdon bá ontongon doman monimu kon akuoi naa in totu-totuubí rasul.

KORINTUS 2 3:6

Bo Siabí doman tua in nobogoi in komampuan kon inami nobaḻí mogogaid mita kon oaidan i Allah kon tobatú dodandian nobagu; dodandian inta noyotogot in Roho i Allah, táe deemanbí kon hukum inta pinais. Sin hukum inta pinais tua in modiabí kon popatoi, táe aka Roho i Allah yo mobogoibí in kobiagan.

KORINTUS 1 3:5

Sabanarnea ki inebí in ki Apolos andeka ki Paulus tua? Bá kotaauan monimu, kami naa in tongábí intau mita inta nogaid kon oaidan i Allah inta mopoyaput in Habar Mopia kon i monimu sinbá mopirisayadon in moiko kon i Kristus. Kami naa in tongábí mopobayá in oaidan inta pinoki aid i Tuhan kon inami.

YOËL 2:17

Potabádon in imang mita inta nogundoi kon i Tuhan, mongombaḷ kon sigad in mezbah bo dangkuḷonnea kon muna, sindaḷan moguman, “Kotabipa kaasí in umat-Mu, o Tuhan; dika pomayá mako in kapunyaan-Mu tongososingkuḻe mako,” dá bangusa mita ibanea monigid poḷat moguman, “Kon onda in ki Allah monia?”

WAHYU 3:10

Lantaran moiko ain dinumudui kon parenta-Ku kon bá umuran mosabar mogoḷat mako kon i-Nakó. Dá umuran-Ku doman ḷukadan mako in moiko nongkon kasusahan inta moiantug kon dunia naa. Soaḷ tatua in mobaḻíbí sin monungkuḷ kon bayongan in intau kon dunia naa.

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

KORINTUS 1 4:1

Anggapbí in kami naa mogogaid mita kon oaidan i Kristus inta motanggung jawab mopotaau in tomayá mita i Allah inta diápa kinotaauan in bayongan intau kon dunia naa.

IBRANI 12:1

Uḻe, soaḷ kita tontaní, kon ḻibumai naton naa in nobayongbí totok in nobaḻí sakusi! Manangka intua, koḻigai ḷumbúondon naton in bayongan inta mokoyoyiga kon i naton bo dosa inta umuran moikompit mako kon i naton. Bo koḻigai mositandingan in kita in mogaid kon onu inta pinoki aid kon i naton.

TIMOTIUS 2 4:5

Manangka intua uḻe kawasaai in ginamu, onukabí in mobaḻí. Mokoposabar aka koantugan in yoyiga, umurai aidai in oaidanmu saḷaku intau inta mopopotaau in Habar Mopia tatua. Kopirabí totok in mogaid kon oaidan inta ain inogoi i Tuhan kon inimu.

TIMOTIUS 2 2:24

Intau inta nogaid kon oaidan i Tuhan in diábí mopia aka moyogenggeng. Mustibí mokopoaḷus kon pososingog bo mokopoompá kon dodia kon tumpaḷa intau, bo kopira doman in motundú kon intau bo mosabar.

TIMOTIUS 2 1:8

Manangka intua dikabí moondok in mopotaau bo moguman kon onu inta inaidan i Tuhan naton. Dika doman mooyá, sin akuoi in pinobonu kon ponjara popisíbí in mopirisaya kon i-Nia, táe pakébí in ropot inta inogoi i Allah motanggung moyotakin kon roriga sin mopoyaput in Habar Mopia tatua.

TIMOTIUS 1 6:11

Táe iko inta ain piniḻí i Allah, mokopoyayúdon kon tua komintan. Tayakdon in onu inta mopia kon tayowon i Tuhan, aidai in onu inta moitutui, posambayang bo mokopotantú kon pirisaya kon i Kristus, kotabibí in tumpaḷa intau, mobalajar mosabar bo aidai in onu inta mokosanang kon gina in intau.

TIMOTIUS 1 4:6

Aka tundúonmu intua komintan kon bayongan in ginaḷum naton, yo iko in mobaḻí bidon mogogaid i Kristus inta nogaid nopira. Bo iko in umurandon moginropot kon ginamu takin pirman i Allah inta pinirisaya naton bo takin totundú mita totuu inta ain dinuduianmumai naa in kino oonggotnea.

TIMOTIUS 1 2:15

Táe umpaka natua, bobay in posaḷamatonbí doman, sin mosia in mobogoi in buí. Asaḷ sia mokopoompá kon dodia bo mokopotantú doman kon pirisaya kon i Kristus bo umuran kototabian kon tumpaḷa intau, bo moposarakan doman in kobiagannea kon i Allah.

TESALONIKA 1 5:14

Utatku mita naa doman dugang in tonggina nami kon i monimu; toboḷow pia-pia mako in mosia inta doí mogaid bo tantú irigonai in gina in intau mita inta mongoondok, bo dika koḻiongan in motuḷung kon intau mita bogá bo mokoposabar in tumayow kon intau inta noyagi-yagimai in oaid.

TESALONIKA 1 3:7

Manangka intua utatku mita, umpaka in kami nobiag nosusa bo mororiga, táe nosanangbí totok in gina nami in nokodongog kon habar kon moiko in umuran mopirisaya kon i Kristus,

KOLOSE 1:24

Tanaa mopiabí in ginaku in mororiga sin kopontinganmu. Sin aka awakku bo mororiga, yo tua in mangaḻenea akuoi nogintompodon kon roriga inta diápa kinorasaan i Kristus, sin kopontingan in jamaat saḷaku awak-Nea.

KOLOSE 1:11

Igumondon mako, sinbá kawasa i Allah inta momulia in tantú moginrigon kon i monimu, sahingga in umuran mosanang bo mopia in gina monimu wakutu in moyogintayow in bayongan roriga

KORINTUS 2 11:23

Degá mogogaid mita i Kristus in mosia? Kodongogan naonda bo diá moratak in akuoi táe totuubí kon akuoibí naa in mogogaid i Allah inta mopia-pia nongkon i monia tua. Akuoi in umuran morajing in mogaid, mokakit in akuoi bonuon monia kon ponjara, bo mokakit doman akuoi in rorigaan monia gogió bo matoi.

KORINTUS 2 11:9

Bo aka kodaitan in akuoi, yo diábí mokoposusamai kon intau tobatúmai kon sigad monimu. Sin onu in mogaat kon inakó komintanbí ki utat mita inta namangoi nongkon Makedonia in mobogoi.

KORINTUS 2 7:11

Tungkuḷaika tarukira monimu onu in bungai in ajar in gina inta pinodudui kon ibog i Allah kon i monimu! Naa in bungainea; moiko in totu-totuubí moramuji moginsilang kon onu inta diápa notarang! Bo moyaatbí in gina monimu kon onu inta diá mopia, oyúon in porasaan moondok, mokotanobbí, tantú moropot in gina, bo oyúon in ibog mohukum kon inta kotaḷá! Kon bayongan soaḷ mita tanaa in moponiata bidon kon moiko in diá bidon kotaḷá.

KORINTUS 2 4:17

Sin yoyiga inta diá mobogat totok naa, inta tantú korasaan nami tanaa in mobogoibí in kopiaan mononoi, moiḻiu kon rupa-rupa roriga inta kinorasaan nami tontaní.

KORINTUS 2 4:2

Kami in doíbí tongá umuni-uni sin mokooyábí in natua. Bo kami in doíbí mogaid takin gina inta diá motuḻid bo poḷat doman mopotaḷá in singog i Allah. Kami in nogaid kon oaidan i Allah takinbí gina motuḻid ná inta kinoibog-Nea. Tuamai in harapon mako tua, kopiaan in monilai kon i nami.

KORINTUS 1 9:11

Kami ain nopotaau kon i monimu in Habar Mopia nongkon i Tuhan. Tuamai kami in nokouḻí kon barakat moantó nongkon i monimu. Yo degá noiḻiudon antó in inigum nami kon i monimu?

SURAT I PAULUS KON JAMAAT RUM 16:10

Salam kon i Apeles. Kotoinduduinea kon i Kristus aindon nouji. Salam doman kon motoḷuadí i Aristobulus,

SURAT I PAULUS KON JAMAAT RUM 14:18

Intau inta nobantung natua kon i Kristus, sia tua inta mokosanang kon gina i Allah, bo sia in horomaton doman in intau ibanea.

SURAT I PAULUS KON JAMAAT RUM 5:8

Táe ki Allah in noponiatadon in tabi-Nea kon i naton, kon dodai in ki Kristus pinokuruban sin kopontingan naton, kon dodai in kita binaradosapa.

OUMAN IN RASUL MITA 20:34

Kinotaauan bidon monimu tontaní, kon akuoi in noramuji bidon tontaní motayak kon onu in pakéonku bo onu doman pakéon in yobayatku mita inta topobayáanku.

OUMAN IN RASUL MITA 9:16

Bain Akuoi tontaní in mopoontong kon inia kon bayongan roriga inta musti korasaannea popisí in pirisayanea kon i-Nakó.”

OUMAN IN RASUL MITA 2:22

Utatku mita intau in Israel! Indongogai in singogku tanaa: Makusudku tua in ki Yesus intau in Nazaret. Sia pinotabá i Allah mamangoi kon imonimu. Tua in moniata kon i monimu sin Sia ain nogaid kon oaidan inta mokoherang totok bo nopoontong in tanda mita inta nongkon i Allah. Tua mita in inaidan-Nea kon yua-yuak monimu bo tua in kinotaauanbí monimu.

LUKAS 21:19

Aka moiko monahang bo mokosabar, yo mosaḷamatbí.”

YOËL 1:9

Gandum bo anggur in diádon nongkon Baḷoi i Tuhan. Dá ponogumatoidon imang mita, inta motoḷutui in mogundoi kon i Tuhan.

YESAYA 61:6

Moiko in tangoionbí mogogundoi i Allah bo tangoion imang i Tuhan naton. Moiko in mokaanbí kon kaoyúonan in bangusa mita bo mopia in gina popisí in kapunyaan monia.

KORINTUS 2 2:17

Sin kami in diábí ná intau ibanea inta tongá moibog motayak kon kauntungan nongkon habar i Allah tatua. Motuḻidbí totok in tujuan nami, sin ki Allahbí in nokiaid intua komintan kon i nami. Bo inontongbí i Allah tontaní kon kami in nopoyaput in habar tatua nogaidbí saḷaku mogogaid mita i Kristus.

YOHANES 16:33

Naa komintan in poguman-Ku sinbá moiko in mokouḻí kon kobiagan motompia bo moonow sin notobatú-Kudon. Kon dunia naa moyoyangpabí in moiko, táe korotonbí in ginamu, sin Akuoi in diábí taḷowon in dunia naa!”

SURAT I PAULUS KON JAMAAT RUM 3:5

Táe aka koadilan i Allah moniatadon totok, popisí in kita nogaid kon inta diá totuu, yo onu in singogon naton? Degá diá moadil aka ki Allah mohukum kon i naton? (Ḷoḻibó tanaa in mopiabí saḷaku intau.)