KORINTUS 2 6:18 - Alkitab Singog In Mongondow Masa In Tanaa

¹⁸ Akuoi in mobaḻíbí ki Amá monimu, bo moiko in mobaḻíbí ki adí-Ku mita, natua in singog i Tuhan Inta totok in Mokawasa.”

KORINTUS 2 6:18 Referans Kwoze

WAHYU 21:7

Intau mita inta mountung, mokouḻí kon soaḷ mita natua nongkon i-Nakó, bo Akuoi in mobaḻí ki Allahnea, bo sia in mobaḻí ki adí-Ku.

YOHANES 1:12

Tongá oyúon doman in notarima kon i-Nia bo nopirisaya kon i-Nia; mosia tua in inogoian hak mobaḻí ki adí i Allah,

SAMUEL 2 7:14

Akuoi in mobaḻí ki Amánea, bo sia in mobaḻí ki adí-Ku ḷoḷaki. Aka mogaid in sia kon inta moitaḷá, yo hukumon-Ku in sia ná guyanga ḷoḷaki mohukum kon i adínea.

WAHYU 1:8

“Akuoibí naa inta muna-munamai totok bo inta totok in pangabisan,” tua in singog i Tuhan Allah, ki Inta oyúon bo inta koyongandon oyúon, inta umuran oyúon bo Inta Totok Mokawasa.

SURAT I PAULUS KON JAMAAT RUM 8:29

Mosia inta ain piniḻí i Allah, aindon sinantú-Nea nongkon pinomangkoianmai sinbá mobaḻí motombatangan i Adí-Nea ki Yesus Kristus. Sahingga in Adí tatua mobaḻí Adí guya-guyang kon sigad in bayongan utat.

YEREMIA 31:9

Mosia in mayá takin moḷabú in ḷuá, Ḻipoion-Ku bo kapiton-Ku in mosia. Diaan-Ku in mosia mongin tampat mita inta mobayong in tubig, mongin daḷan motondodai inta diá in kopintudan. Kon i Israel, Akuoi in naonda bo ki amá; Epraim in ki adí-Ku ḷoḷaki guya-guyang.”

GALATIA 3:26

Moiko bo ain nopirisaya kon i Yesus Kristus, dá moiko ain notobatú takin-Nea; sahingga in moiko nobaḻídon ki adí mita i Allah.

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

EPESUS 1:5

dá sinantú-Neadon muna, kon pongin i Yesus Kristus, baḻíon-Neadon ki adí-Nea tontaní in kita. Bo tuabí in kinoibog-Nea aidan.

YESAYA 43:6

Pinarenta-Ku kon i utuan bo kon i toḷatan, sinbá mosia in ḷagidon buḻian. Bá ki adímu mita ḷoḷaki in mobuidon nongkon moyayú, bo ki adímu mita bobay in mobui nongkon popod mita in dunia.

YEREMIA 3:19

Ki Tuhan in noguman, “Israel, Akuoi in moibog motarima kon inimu mobaḻí ki adí-Ku, bo mobogoi kon inimu in butá inta mokosanang, butá inta totuu mopia kon sinangkub in dunia. Ibogon-Ku iko in monangoi kon i-Nakó ki Amá, bo diádon moḷagui bui kon i-Nakó.

MAZMUR 22:30

Bayongan in intau moḷoben in tumungkudbí kon tayowon-Nea, bayongan in intau mato-matoi in tumonsiupbí mosumba kon i-Nia.

YEREMIA 31:1

Ki Tuhan in noguman, “Moiangoibí in wakutunea Akuoi mobaḻí Allah in bayongan suku in Israel, bo mosia in mobaḻí umat-Ku.

WAHYU 21:22

Diábí inontongku in Baḷoi Allah kon bonu in kotá tatua, sin Baḷoi Allah in ki Tuhanbí tontaní, ki Allah inta totok mokawasa, bo Adí in Domba tatua.

KINOBAḺIAN 48:3

Ki Yakub in noguman kon i Yusup, “Ki Allah Inta Totok in mokawasa ain nokipogontong kon inakó kon Lus, kon butá in Kanaan, bo ain nomarakat kon inakó.”

TAWARIKH 1 17:13

Akuoi in mobaḻí ki Amánea bo sia in mobaḻí ki adí-Ku ḷoḷaki. Akuoi in umuranbí mopoaid in inta mopia podudui in dandi-Ku. Dandi-Ku kon inia in umuran-Kubí kadaian, diábí ná inta pinomia-Ku kon i Saul inta ain inundud-Ku nongkon ḷoḻitúannea sinbá motaau in iko baḻíon datu.

SURAT I PAULUS KON JAMAAT RUM 8:19

Bayongan in mahaḷuk mogoḷat bo moibogdon totok mokoontong kon wakutu i Allah moponiata kon i adí-Nea mita.