KORINTUS 2 5:8 - Alkitab Singog In Mongondow Masa In Tanaa

⁸ manangka intua kami in umuran mosabar. Bo moibo-ibogdon monaḷámai kon awak ilo-ilow naa, sinbá mogutundon moyotakin i Tuhan.

KORINTUS 2 5:8 Referans Kwoze

KORINTUS 2 5:6

Tuamai tantúbí moropot in gina nami. Kinotaauan bidon nami kon wakutu in nobiag kon dunia naa, kami noyayúbí kon baḷoi inta pinogutunan nami takin i Tuhan.

YOHANES 1 3:2

Utat mita inta kinotabiku! Tanaa mako kita ain nobaḻí ki adí i Allah, táe kaadaan naton kon singgai moiduduimai in diápa notarang.Tongá kinotaauan naton kon aka ki Kristus in mamangoi, kita naa in mobaḻí ná Sia, sin kita in mokoontong kon i-Nia kon bonu in kaadaan-Nea inta sabanarnea.

YOHANES 14:3

Naonda in Akuoi mayádon moposadia in tampat kon i monimu, Akuoi in buibí mamangoi monontomu kon i monimu, sinbá kon onda in Akuoi, kon tua doman i moiko.

KORINTUS 2 5:9

Tuamai kami in totok moramuji moposanang kon gina i Allah, kon wakutu in mobiagpa kon dunia naa ande kon baḷoi inta ain sinantú i Tuhan.

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

MAZMUR 16:11

Sinundú-Mu kon inakó in daḷan kobiagan; kon ini-Mu akuoi mokouḻí kon pia in gina inta diá in poḻiuan bo pia in gina modapot in mononoi.

WAHYU 22:3

Kon bonu in kotá tatua diá bidon in kotugatan kutuk i Allah. Tampat pomomarentaan i Allah bo i Adí in Domba tatua in kon bonudon in kotá tatua. Bobantung-Nea mita moibada kon i-Nia.

OUMAN IN RASUL MITA 21:13

Táe ki Paulus in noguman kon i monia, “Nongonu sin mongombaḷbí in moiko naníon, bá kotaauan monimu kon ombaḷ monimu nion totokbí in mokororiga kon ginaku! Akuoi in diá bidon moondok, deemanbí tongá togoton, umpakabí modapot in matoi kon Yerusalem sin mopotaau in Habar Mopia nongkon i Tuhan.”

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

LUKAS 2:29

“Tanaa mako Tuhan, aindon inaidan-Mu onu inta pinodandi-Mu. Tuamain pomayádon mako in bobantung-Mu naa matoi takin pia in gina.

MATIUS 25:23

Dá ki tuangnea tua in noguman kon inia, ‘Tua in nopia, iko simpaḷku inta mopia bo motuḻid in gina. Popisí in iko aindon nogaid kon oaidan inta mointok takin gina motuḻid, dá iko ogoiankudon in tanggung jawab mogaid kon oaidan moḷoben. Tuot bo pobarasanangdon takinku!’

MATIUS 25:21

Bo ki tuangnea tatua in noguman kon i nia, ‘Tua in nopia, iko in simpaḷku inta mopia bo mojujur; iko aindon nogaid kon oaidan inta mointok inta pinoki aid kon inimu, manangka intua iko in ogoiankudon in tanggung jawab mogaid kon oaidan moḷoben. Angoidon bo duduidon mobarasanang takinku!’

AMSAL 14:32

Intau moraat moyopú popisí in aidnea moraat, intau mopia ḷukadan in aidnea inta motuḻid.

YOHANES 12:26

Intau inta moibog mogaid kon oaidan-Ku musti dumudui kon i-Nakó kon ondakabí in bayáan-Ku; sinbá kon onda in bayáan-Ku yo kon tua doman in sia. Intau inta mogaid kon oaidan-Ku horomatonbí i Amá-Ku.”