KORINTUS 2 5:12 - Alkitab Singog In Mongondow Masa In Tanaa

¹² Diábí bá dayowon monimu in kami. Kami in tongábí mobogoi in alasan mopia sinbá mopia in gina monimu kon i nami, bo bá motaau doman in moiko motubag kon singog in intau mita inta tongá momiḻí kon pogot, deemanbí oaidannea in indoian.

KORINTUS 2 5:12 Referans Kwoze

KORINTUS 2 3:1

Degá koontongan kon kami naa in naonda bo dumuípa tontaní? Andeka degá moparaḷubí in kami kon surat dodayow kon i monimu ande nongkon i monimu, ná inta kinoibog in intau mita ibanea?

KORINTUS 2 10:18

Sin deemanbí intau inta dinumuí tontaní in mokotahang kon totungkuḷ, táe intaubí inta dinuí i Tuhan.

KORINTUS 2 12:11

Totuubí kon akuoi in sinumon intau bodok – táe moikobí in nomakisa kon i nakó nobaḻí natua. Sabanarnea moikobí in musti moduí kon inakó. Sin umpaka diá baraguna in akuoi kon i monimu, táe kon bayongan yagi-yagi akuoi in noiḻiubí kon rasul mita inta mongotoyang tua.

KORINTUS 2 10:12

Oo! Totuubí kon kami in diábí mokobaḻí mopoyobanding ande mokipotongkai kon intau mita inta norai kon mosia tua in moḷantu-ḷantud. Nobodok totok in mosia! Mosia in mogaid kon ukuran monia tontaní bo ponilai kon i monia tontaní podudui in ukuran inta inaidan monia tua.

KORINTUS 2 10:8

Akuoi in diábí mooyá aka akuoi tantú moduí mako kon kawasa inta ain inogoi i Tuhan kon i nami, sin kawasa tatua in ogoibí pomiag kon i monimu, deemanbí pomatoi.

KORINTUS 2 6:4

Táe naabí in popoontong nami kon bayongan in intau, onukabí in aidan nami, yo pinoniatabí nami kon kami in totu-totuubí mogogaid mita kon oaidan i Allah. Sin bayongan in yoyiga ain bidon nodait nami sinarima takin gina moonow:

AMSAL 27:2

Dikabí dumuí tontaní; biódon mako in intau ibanea in modayow kon inimu, modapotbí in intau inta diá kinotaauanmu.

KORINTUS 2 10:7

Indoiaidon kopira onu inta nobaḻí kon tayowonmai monimu nion. Aka oyúon intau in moyakindon totu-totuu kon sia tua in kapunyaan i Kristus, yo musti in sia morai kon bonu in ginanea kon kami doman naa in kapunyaanbí doman i Kristus, naonda bo sia.

PILIPI 1:26

Sahingga aka akuoi mobuidon mangoi kon i monimu, dá modugangdon ḷoben in dodoyonan porasaan pia in gina monimu tua kon inakó.