KORINTUS 2 4:4 - Alkitab Singog In Mongondow Masa In Tanaa

⁴ Sin ilah moraat inta mongawasa kon dunia naa in tantú mogoḻingoi kon raian in intau mita inta diá mopirisaya. Siabí tua in tantú mogoḻingoi kon i monia sinbá diá mokoontong kon bayag in Habar Mopia soaḷ kawasa i Kristus inta moḷoben, inta nobaḻí oḻinow i Allah.

KORINTUS 2 4:4 Referans Kwoze

YOHANES 12:40

“Ki Allah in noguman, ‘Binilogan-Kudon in mata monia, binaḻí-Kudon in mosia motogat in gina; sinbá mosia in diá mokoontong, bo raian monia in diá momangaḻe. Simbá mosia in diá mamangoi bui kon i-Nakó, bodongka undaman-Ku in mosia.’ ”

KORINTUS 2 3:14

Manangka intua diá nobuká in raian monia. Umaai in masa in tanaa raian monia tua in tantúpabí kino koḷoban in koḷubung tatua aka mobaca kon dodandian inta muna tatua. Koḷubung tatua in moinggamábí aka mosia in motobatúdon i Kristus.

OUMAN IN RASUL MITA 26:18

mobuká kon mata monia, sinbá mobuká in mata monia bo mokoontong kon inta mobayag; bo diádon kopongaruan in Ibilis táe tongádon tantú kon bonu in kawasa i Allah. Sin aka mopirisaya kon i-Nakó, yo dosa mita monia in tokoampunganbí bo mobaḻíbí umat mita inta piniḻí i Allah in mosia.’ ”

YESAYA 6:10

Bo nogumandon in Sia kon inakó, “Bangkungaidon in raian in intau mita tatua, bongoḷai in bongoḷannea bo bilogai in matanea, sinbá mosia in diá mokoontong, mokodongog andeka momangaḻe, bo momurow mamangoi kon i-Nakó bo mopiadon.”

YOHANES 1 5:19

Kinotaauanbí naton kon kita naa in kapunyaanbí i Allah, umpakabí komintan dunia kinawasaandon in Inta Moraat.

KORINTUS 2 4:6

Sin ki Allah in nogumandon nanaa, “Nongkon sindip momukádon in bayag.” Bo ki Allah doman tatua inta nopomuká in bayag-Nea kon bonu in gina naton, sinbá mobayag domandon in raian naton bo monotaau kon kototarang in bayag i Allah inta nonindar kon pogot i Kristus.

EPESUS 2:2

Wakutu intua moiko in dinumudui kon kabiasaan mita in dunia naa; tua in mangaḻenea moiko in dinumudui kon mongongawasa kon baḷangon, tuata in roho inta masai naa nongawasa kon gina in intau mita inta diá motoindudui kon i Allah.

EPESUS 6:12

Sin kita in moparang deemanbí moyogintayow in intau, táe moyogintayowbí in ropot in bayongan dimukud moraat inta nongawasa kon singgai moraat mita tanaa. Kita in monayow kon ropot in roho mita moraat inta nongawasa kon ḷangit.

YOHANES 12:31

Tanaa in wakutuneadon dunia hakimon; bo tanaadon mako in mongongawasa kon dunia naa pogarabdon kon ḷuai.

YOHANES 8:12

Ki Yesus in buipa doman noguman kon i monia, “Akuoi naa in bayag in dunia. Intau inta dumudui kon i-Nakó in diá bidon sia mayá kon bonu in sindip, táe oyúondon in bayag kon kobiagannea.”

YOHANES 12:35

Ki Yesus in notubag: “Tongábí samantara in bayag tatua kon yua-yuak monimu. Tuamai bayádon kon dodai in bayag tatua kon yua-yuakpa monimu, sinbá moiko in diá kokawasaan in sindip, sin intau inta mayá kon bonu in sindip in diábí kotaauannea in bayáannea.

YOHANES 14:30

Diádon moantó in oumanon-Ku kon i monimu, sin wakutuneadon mongongawasa in dunia naa mamangoi. Táe diábí kokawasaannea in Akuoi.

KORINTUS 2 3:18

Tongá tanaa mako, pogot naton naa in diá bidon kinokoḷubungan, bo moposindar bidon in bayag i Tuhan Yesus. Tuamai tantú baḷuian ná Sia in kita; koonggot-koonggot, yo kobayag-kobayag domandon in kita. Bayag tatua in nongkon Roho, bo Roho tatua in ki Tuhanbí.

KOLOSE 1:27

Kon umat-Nea tatua ki Allah in moibog moponiata kon totokbí in mopia bo moḷoben in onu in binuni kon intau mita ibanea. Naa inta binuni tatua: Ki Kristus tua in nionbí kon i monimu, bo tua in mangaḻenea, kon moiko in moitakin doman mokorasa kon kamuliaan i Allah.

KOLOSE 1:15

Ki Kristus tua in gambar inta noniata nongkon awak i Allah inta diá koontongan; Sia in ki Adí i Allah inta guya-guyang, bo inta totok in moponting nongkon bayongan inta pinomia.

YOHANES 1 2:8

Umpaka natua, táe parenta inta pinaisku naa in nobagubí doman; sin kobobanarnea in motaaubí indoian kon i Kristus bo kon i monimu. Sin sindip in koinggamá-koinggamádon bo bayag inta moḷoben momangkoidon monindar.

PILIPI 2:6

Aka podudui in kaadaan-Nea sabanarnea, Sia tua in notongkaibí i Allah, táe kaadaan-Nea tatua in diábí binaḻí-Nea patokan.

YOHANES 1:14

Pirman ain nobaḻí intau, Sia in nogutun kon sigad naton, bo kita ain nokoontong kon kamuliaan-Nea. Kamuliaan inta sinarima-Nea saḷaku Adí tuḷong i Amá. Pinongin i-Nia tua kita mokoontong kon i Allah bo tabi-Nea kon i naton.

IBRANI 1:3

Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.

TITUS 2:13

Tanaa mako, kita in mogoḷatpa mako kon singgai inta iharap mako naton tua. Kon singgai tatua, dunia naa in mokoontongdon kon kamuliaan i Yesus Kristus, Sia tuata in ki Allah Inta Totok in Momulia bo Datu Mopoposaḷamat naton.

YOHANES 16:11

Poguman-Nea doman kon ki Allah in momangkoidon mohukum, sin mongongawasa kon dunia naa in ihukumdon.

PETRUS 2 1:19

Tuatabí in nokodugang kon pirisaya nami kon koyow i Allah inta ain pinoyaput in nabi mita. Maníka moiko in monarukira totok kon koyow tatua, sin koyow tatua in naonda bo togá inta nonindar kon wakutu in doḷom modapot in mobayagdon, bo sindar in tundi inta kon dotá in pomukaan monimbayag kon bonu in ginamu.

KORINTUS 2 3:11

Dá intapa in dunia naa sinimbayagan námai tua, apapa doman bo inta mononoi tua.

KORINTUS 1 10:20

Onu in pinosumba kon meja pogogukatan kon sosumba inta inogoi kon berhala, deemanbí pinosumba kon i Allah, táe kon dimukudbí moraat.

YOHANES 12:45

Bo intau inta nokoontong kon i-Nakó, nokoontong kon i-Nia inta nopotabá mangoi kon i-Nakó.

YOHANES 15:24

Aka kuma kon yua-yuak monia bo Akuoi in diápa nogaid kon soaḷ mita inta diápa kon dodai in onda inaidan in intau, yo mosia in diábí binaradosa. Táe tanaa mosia ain nokoontong kon onu inta ain pinomia-Ku, bo mosia in mosaturu kon i-Nakó andeka kon i Amá-Ku.

YOHANES 1:18

Diábí in nokoimontanmai in nokoontong kon i Allah, koḻikudbí in ki Adí tuḷong i Amá, inta notongkai i Amá bo modagin totok kon i-Nia. Kon i-Nia tuata moniata kon i naton in ki Amá.

MAZMUR 50:2

Nongkon Sion, kotá inta totok in mogaga, Ki Allah in noitukat takin nonindar.

TIMOTIUS 1 1:11

Totundú tatua in pinaisdon kon bonu in habar mopia inta pinoki poyaput magí-mako i Allah kon inakó, tuata in Habar Mopia inta nongkon i Allah inta moḷoben bo inta patus dayowon.

DATU MITA IMITÁNEA 22:22

‘Naonda in podondouḷugmu?’ ki Tuhan in noḻibó. Dimukud tatua in noguman, ‘Mayá in akuoi bo baḻíonku sinbá bayongan in nabi i Ahab in monguboḷ.’ Ki Tuhan in noguman, ‘Mopia, aidaidon intua, kodondouḷuganmubí in sia.’ ”

MATIUS 13:22

Bibit inta noḷabú kon yua-yuak in díat, tua in mangaḻenea, intau inta nokodongog kon Pirman tatua tongá mohawatir kon kapunyaan kon dunia naa bo moibog mobiag mooyúon. Ibog monia kon in dunia tua in monisí kon Pirman tatua, dá diá momungai.

OUMAN IN RASUL MITA 26:23

kon Datu Mopoposaḷamat inta pinodandi i Allah tatua in mustibí mororigapa muna, bain tua bo mobaḻí intau inta muna-munamai mobiag nongkon sigad in intau mita minatoi; sinbá motaau in Sia mopoyaput in Habar Mopia – tuata in kasaḷamatan – kon intau mita in Yahudi bo intau mita inta deeman Yahudi.”

KORINTUS 2 2:11

Akuoi in mongampung sinbá Ibilis in diá mogamá kon kasampatan mongawasa kon i naton; sin kinotaauan bidon naton in tomayánea.

KORINTUS 2 2:12

Kon wakutu in noiyaputdon kon Troas sin makusud mopoyaput in Habar Mopia soaḷ ki Kristus, akuoi in inogoian i Tuhan in daḷan mogaid kon tua.

GALATIA 1:4

Ki Kristus in dinumudui kon koibog i Allah, ki Amá naton, sahingga in Sia noposarakan in awak-Nea tontaní nobaḻí kuruban potobut kon taḷá mita naton, sinbá kita in posaḷamaton nongkon kaadaan masai naa inta diádon mopia naa.

IBRANI 6:4

Sin mosia inta nokoimontandon in sinimbayagan in ginanea, inta nokoimontan in nokorasa kon totabi i Allah bo nokoimontan domandon in nokouḻí kon silai kon bonu in Roho Mokudus,

YOHANES 1 2:11

Táe intau inta mosaturu kon i utatnea in nobiagpabí kon sindip. Sia in minayá kon bonu in sindip, bo diá kotaauannea mongo kon onda in bayáannea, sin sindipdon tatua in mogoḻingoi kon inia.