KORINTUS 2 4:16 - Alkitab Singog In Mongondow Masa In Tanaa

¹⁶ Manangka intua diábí moḻia-ḻiaw in gina nami. Umpaka kosikisa-sikisadon, táe gina nami in tantúbí toimbaguon pomuḷoi in singgai.

KORINTUS 2 4:16 Referans Kwoze

YESAYA 40:31

Táe intau inta mopongata kon i Tuhan, in mokouḻí kon ropot mobagu. Mosia in naonda bo ḷagapan boniá inta ḷumayug moonik mopongata in koḻikipnea. Mosia in moribatuk bo diábí moḷopí, mosia in mayá bo diábí moḷungkoyó.

KOLOSE 3:10

Bo tanaa moiko inogoiandon in kobiagan inta mobagu. Moiko nion in nobaḻí bidon intau nobagu, inta koyogot toimbaguon i Allah inta nopomia kon i monimu podudui in batangan-Nea tontaní. Makusudnea bá totu-totuudon kotaauan monimu in ki Allah.

YESAYA 40:29

Sia in moginropot kon intau inta moḷopí, moporigon kon gina monia inta diá kodaya.

SURAT I PAULUS KON JAMAAT RUM 12:2

Donaai in moiko dumudui kon ibog in dunia naa. Pomayádon mako in ki Allah in monoimbagu kon i monimu, sinbá mobaḷui in moiko. Sahingga in kotaauandon monimu onu kinoibog i Allah, tuata inta mopia bo inta mokosanang kon gina-Nea bo inta mosompurna.

KORINTUS 2 4:1

Kami nogaid kon oaidan tanaa popisíbí in totabi i Allah. Tuamai in diábí moḻia-ḻiaw in gina nami.

MAZMUR 73:26

Umpaka dimukud bo awakku in moḻemédon, Ikobí in ropotku, o Allah; Ikobí in kapunyaanku modapot in mononoi.

EPESUS 3:16

Mosambayang in akuoi sinbá ki Allah inta totok in momulia tua in moibog moginrigon kon batinmu takin Roho-Nea.

SURAT I PAULUS KON JAMAAT RUM 7:22

Batinku in moibogbí kon hukum i Allah,

TITUS 3:5

Sia in noposaḷamat kon i naton, táe deemanbí popisí in kita ain nogaid kon inta mopia, táe popisíbí in tabi-Nea kon i naton. Sia in noposaḷamat kon i naton takin Roho i Allah inta ain nobogoi kon i naton in kolahiran bo kobiagan mobagu takin cara nondarit kon i naton.

MAZMUR 27:13

Noyakinbí in akuoi kon mokonanambí kon kopopia i Tuhan kon bonu in kobiaganku kon dunia naa.

PETRUS 1 3:4

Táe, ḷambáaibí bonu in gina monimu in ḷambá inta diá mogogu-goguyaat, tuata in budi inta mopia bo moonow in raian. Tuabí in ḷambá moḷunat inta kinoibog i Allah.

EPESUS 4:23

Toimbagudon in bayongan gina bo raianmu.

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

MAZMUR 51:10

Biódon mako in akuoi mokodongog kon habar mokopia kon gina, sinbá gina inta binutuk-Mu naa in buidon monggiow.

KORINTUS 2 12:15

Tuamai mopiabí in ginaku bo morelabí in moposarakan in bayongan yagi-yagi, sin kopontingan monimu, nodapotkabí in awakku naa. Dá aka akuoi bo totok in motabi kon i monimu, umpaka yo diápa doman kotabi monimu in akuoi?

LUKAS 11:3

Ogoiaidon in pomuḷoi in singgai in kaanon inta tugat kon inami.

MAZMUR 119:81

Ginaku in totokbí in mokotanob kon kasaḷamatan nongkon ini-Mu; akuoi in mogoḷat mako kon dandi-Mu.

YEREMIA 45:3

iko in nogamui nanaa, ‘Ah, totuu mosoe in akuoi naa! Rorigaku in totuu mobarong, bo ki Tuhan in nopodugang doman in roriga. Moḷopídon in akuoi in mogamui, totokbí in diá in onownea!’

PETRUS 1 4:14

Kopiabí in gina monimu aka singkuḻeon sin popisí in mopirisaya kon i Kristus, tua in mangaḻenea Roho momulia inta Roho i Allah in umuranbí kotaki-takin monimu.