Biblia Todo Logo
Bib sou entènèt

- Piblisite -




KORINTUS 2 3:7 - Alkitab Singog In Mongondow Masa In Tanaa

7 Kon wakutu in dodandian inta modia kon popatoi tua inaidan bo pinais sinompiamai kon tudu in batu pomomaisan, sindar i Allah nonimbayag totok motarang kon pogot i Musa. Sindarnea tatua in mokotuḷow totok, sahingga intau mita in Israel diádon mokosanggup moindoi kon pogot i Musa tatua, umpaka wakutu intua sindar kon pogotnea tua mulaidon mokudow. Dá aka pinogaidan kon dodandian inta mokopatoi tatua bo sinimbayagan námai tua,

Gade chapit la Kopi




KORINTUS 2 3:7
38 Referans Kwoze  

Oyúonbí in wakutu i Allah moposompurna kon tua komintan, bo inta diá nosompurna tua in modait bidon moinggamá.


Hukum agama in Yahudi ain inintompodan i Kristus. Manangka intua intau inta mopirisaya kon i Kristus, hubungannea takin i Allah in motompiadon bui.


Naonda in nopaḷut mako noyosingog i Musa kon tudu in Buḷud Sinai, ki Allah nobogoidon kon inia in batu doyowa inta pinomaisan i Allah kon parenta-Nea mita.


Bo Siabí doman tua in nobogoi in komampuan kon inami nobaḻí mogogaid mita kon oaidan i Allah kon tobatú dodandian nobagu; dodandian inta noyotogot in Roho i Allah, táe deemanbí kon hukum inta pinais. Sin hukum inta pinais tua in modiabí kon popatoi, táe aka Roho i Allah yo mobogoibí in kobiagan.


Mosia tontaní in nokoontongbí kon moiko in suratbí inta ain pinais i Kristus, inta pinoki dia kon i nami. Surat tatua in deemanbí pinais in tinta, táe Rohobí i Allah inta nobiag; bo deemanbí doman pinais kon buk, táe kon bonubí in gina in intau.


Noiduduimai kon tua ki Tuhan noguman kon i Musa, “Angoidon kon i-Nakó kon tudu in buḷud. Kon tua ogoi-Ku kon inimu in batu doyowa inta pinomaisan-Ku kon bayongan hukum-Ku. Bayongan hukum tatua ogoi-Ku sin baḻíon totundú kon bangusa-Ku tatua.”


Hukum agama in Yahudi naa in mokopoangoi kon hukuman i Allah. Táe aka diá in hukum tatua, yo diábí doman in moḷawang.


Totokbí in koibogku in hukum-Mu; umurankubí tano-tano bo kinoouput in singgai.


bo akuoi in minatoi. Dá hukum agama tatua, inta muna pinopomakusud kon mobogoi in kobiagan, táe naanta mokopoangoibí kon popatoi kon inakó.


Bayongan in intau kon pinosidangan tatua komintan inimindoi kon i Stepanus. Inontongmai monia in pogot i Stepanus nádon pogot in malaekat.


Ginaku in mokotanob kon kasaḷamatan nongkon ini-Mu, hukum-Mu in mokosanang kon ginaku.


Bo nomurow in akuoi, bo takin ḻima doyowa nosimpaḷ kokada-kadai in batu doyowa pinomaisan kon dodandian, nosiḻig in akuoi kon buḷud inta kodoko-dokot.


Batinku in moibogbí kon hukum i Allah,


Kon tua in Sia nopotaau kon inimu onu inta musti aidan monimu sin mogintompod kon dandi inta pinomia-Nea takin i monimu. Parenta Mopuḷú inta ain pinais-Nea kon batu tulis doyowa tua musti aidan monimu.


Onda intua ki Tuhan noguman kon i Musa, “Pomakangdon kon batu doyowa ná inta muna. Kon batu tatua pomaisan-Ku kon tosingogon mita ná inta koḻipod pinais-Ku kon batu inta ain irumogmu tua.


Naonda in ki Musa nodiugdon kon ḷoḷaigan tatua, inontongnea in patong sapi buḷawan tatua bo intau mita motayokmai kon tua, dá sinumorúdon totok in sia. Kon tuapa doman, kon sioḷmai in buḷud tatua, pinogonag i Musa in batu inta kodia-dianea tatua dá norimu-rimumud.


Dá ki Tuhan Allah in nomia kon pakeang monia nongkon kuḻit in mahaḷuk bodongka pinopopaké kon i nayadua.


Kon bonu in yuang tatua oyúon in tobatú meja pototubáan kon sosumba, meja inta pinomia nongkon buḷawan. Oyúon doman in poti Dodandian inta komintan inoḻitan in buḷawan. Kon bonu in poti tatua oyúon in kuyon buḷawan inta binonuan in manna, tungkud i Harun inta ain nomoḻimping, bo batu doyowa inta pinomaisan kon parenta i Allah inta mopuḷú.


Nongkon ḷangit noponag in Iko kon tudu in Buḷud in Sinai, bo nongonguman in Iko takin umat-Mu tontaní. Inogoian-Mu in hukum, atorang bo parenta inta moadil, mobanar bo oyúon in mangaḻenea.


Bo bangusabí moḷoben táonda in oyúon hukum mita inta námai tua in kooadil ná hukum mita inta sinundúku kon i monimu singgai naa?


Tuata in parenta mita inta inogoi i Tuhan kon i monimu kon tungkuḷ in moiko noyosipun kon buḷud. Kon dodai in sia nosingog noropot totok nongkon tuḷú bo goḷom inta mobunod, Sia nobogoi in parenta mita tatua, bo deemanbí ibanea mako. Bo pinais-Nea kon batu tulis doyowa bo inogoi kon inakó.”


Naonda in oyúon in hukum i Musa, dá kodugang-kodugang domandon in taḷá. Táe naonda in koḷoben-koḷoben in dosa, yo tabi i Allah in kodugang-kodugang domandon in ḷobennea kon i monia.


Sin koḻipod kita in nobiag podudui ibog in awak naa. Kon wakutu intua ibog mita inta mokobaradosa in nomuká sin oyúon in hukum agama, bo tua in nokadai kon inaton. Manangka intua kita in mogaid kon soaḷ mita inta mokopopisí kon kopatoian.


yo tantú moiḻiubí kon tua in bayag kon wakutu in pinogaidan kon dodandian inta inogoi in Roho i Allah.


Sin intau inta nobiag bo tantú dinumudui kon hukum i Musa, komintanbí nobiag kon bonu in kutukan. Sin kon Buk Motusi ain pinais, “Intau inta diá mosatia in dumudui kon bayongan inta ain pinais kon buk in hukum i Musa, yo kutukon i Allah!”


Aka natua yo noyoposi degá in hukum i Musa bo dandi i Allah? Tantú diábí! Sin aka kuma hukum i Musa mobogoi in kobiagan kon intau, dá intau in motaaubí moyodame i Allah bo inta dumodudui kon hukum i Musa tatua.


Táe ki Yesus in patusbí mokouḻí kon kahoromatan moḷoben moiḻiu kon i Musa. Sin intaubí inta nogaid kon baḷoi in muna horomaton nongkon baḷoi inta pinomianea tatua.


Utat mita, moiko in diábí mamangoi tumayow kon ná inta sinayowan in intau Israel koḻipod. Mosia in moyogintayow onu inta koḻiaian, ná umpamanea buḷud Sinai bo tuḷúnea inta kodoko-dokot; mosia noyogintayow in sindip, bo kaadaan inta diá totok in motarang bo tompot moropot.


Swiv nou:

Piblisite


Piblisite