KORINTUS 2 3:17 - Alkitab Singog In Mongondow Masa In Tanaa

¹⁷ Sin ki Tuhan tua in Rohobí; bo kon onda oyúon in Roho i Tuhan, yo kon tua oyúon in kabebasan.

KORINTUS 2 3:17 Referans Kwoze

SURAT I PAULUS KON JAMAAT RUM 8:2

Sin Roho inta nobogoi in kobiagan ain nopoḷuat kon inakó inta ain notobatú i Kristus nongkon hukum in dosa bo hukum in popatoi.

GALATIA 5:13

Utat mita! Moiko aindon inoiní mobaḻí intau inta nobebas. Táe donaaibí pakéon in kabebasanmu tatua saḷaku kasampatan mogaid kon onukadon in koibog monimu aidan. Táe popobaragunabí in kasampatan tatua motuḷung kon intau táe musti podoyon kon tabi kon tumpaḷa intau.

GALATIA 4:6

Moiko nion in ki adí mita i Allah, dá pinotabá-Neadon in Roho i Adí-Nea mamangoi kon i naton inta tantú mokuani; Amá, o Amáku.

YOHANES 8:32

dá kotaauandon monimu in ki Allah inta mobanar tua, bo popisí intua dá moiko in poḷuatondon.”

GALATIA 5:1

Tanaa kita totu-totuudon nobebas, sin ki Kristus tontaní in nopobebas kon i naton! Tuamai tantúdon ḷukadai in kabebasanmu, bo donaai in moibog bui tonggataan.

TIMOTIUS 2 1:7

Sin Roho inta inogoi i Allah kon i naton in deemanbí bá moondok in kita, táe Rohobí inta mobogoi in ropot bo mopuḻing in tabi bo mokotahang kon gina in kita.

YOHANES 6:63

Rohobí i Allah in nobogoi in kobiagan kon intau. Ropot in intau naa diá baragunanea. Singog mita inta pinosingog-Ku kon i monimu naa in singogbí mita in Roho i Allah bo singogbí inta mobogoi in kobiagan.

MAZMUR 51:12

Baḻídon in ginaku naa modarit, o Allah, toimbagudon in ginaku takin ibog inta moroton.

KORINTUS 2 3:6

Bo Siabí doman tua in nobogoi in komampuan kon inami nobaḻí mogogaid mita kon oaidan i Allah kon tobatú dodandian nobagu; dodandian inta noyotogot in Roho i Allah, táe deemanbí kon hukum inta pinais. Sin hukum inta pinais tua in modiabí kon popatoi, táe aka Roho i Allah yo mobogoibí in kobiagan.

KORINTUS 1 15:45

Kon bonu in Buk Motusi oyúon in pinais nanaa, “Intau inta muna-munamai in ki Adam, sia in nobaḻí mahaḷuk inta nobiag,” táe ki Adam inta tumi in Rohobí inta nobogoi in kobiagan.

KORINTUS 2 3:18

Tongá tanaa mako, pogot naton naa in diá bidon kinokoḷubungan, bo moposindar bidon in bayag i Tuhan Yesus. Tuamai tantú baḷuian ná Sia in kita; koonggot-koonggot, yo kobayag-kobayag domandon in kita. Bayag tatua in nongkon Roho, bo Roho tatua in ki Tuhanbí.