KORINTUS 2 3:10 - Alkitab Singog In Mongondow Masa In Tanaa

¹⁰ Motaaubí tangoion kon onu inta nobayag tungkuḷ intua, diá bidon ná kinobobayag in masa inta naa.

KORINTUS 2 3:10 Referans Kwoze

PETRUS 2 1:17

Kon tuabí in kami wakutu in Sia i horomat bo pinomulia i Allah Amá. Kon wakutu intua kinodongogandon in singog nongkon i Inta Totok Momulia, inta noguman kon i-Nia, “Naabí in ki Adí-Ku inta Kinotabi-Ku. Sia in kinosanang in gina-Ku!”

WAHYU 22:5

Mosia in diá bidon moparaḷu kon togá andeka bayag mata in singgai, sin diá bidon modoḷo-doḷom in kon tua, bo ki Tuhan Allahbí tontaní in monimbayag kon i monia. Bo mosia in momarentabí saḷaku datu modapot in kopaḷutannea.

OUMAN IN RASUL MITA 26:13

Bo kon yuak in daḷan, noutudon singgai wakutu intua uḻe Tuang Datu Agripa, akuoi in nokoontong kon sindar nongkon ḷangit inta totok in motarang, nonindar kon inami komintan.

HAGAI 2:3

“Oyúon degá in kon sigad monimu in nokotoropa kon naonda in kogogaga in Baḷoi-Ku tungkuḷ intua? Tanaa in naonda in kaadaannea, podudui kon inimu? Totokbí in diá mokosanang kon gina!

YESAYA 24:23

Buḷan in simindip bo mata in singgai in diá bidon monindar, sin ki Tuhan Inta Totok in mokawasa in momarentabí mobaḻí datu. Sia in momarentabí kon Yerusalem, kon tudu in Buḷud in Sion, bo mopoontong in koagung-Nea kon itoi mita in umat-Nea.

AYUB 25:5

Kon i Allah, nodapot in buḷan diábí notarang, bo tundi in inanggapneabí nokudow.

KORINTUS 2 3:9

Sin aka dodandian inta mobogoi in hukuman kon intau bo totok in mobayag, yo tantú moiḻiubí totok kon tua in bayag mopia kon dodandian inta monompia bui kon hubungan in intau bo i Allah.

KORINTUS 2 3:11

Dá intapa in dunia naa sinimbayagan námai tua, apapa doman bo inta mononoi tua.