KORINTUS 2 2:9 - Alkitab Singog In Mongondow Masa In Tanaa

⁹ Suratku tanaa in monungkuḷbí kon i monimu, mongo moibogpa ande doídon degá in moiko mokidongog kon onu inta pinogumanku kon i monimu.

KORINTUS 2 2:9 Referans Kwoze

KORINTUS 2 10:6

Bo aka moiko bo totu-totuu motoindudui, dá kami in mokobaḻí bidon in mohukum kon intau mita inta diá mongotoindudui.

PILEMON 1:21

Surat tanaa in pinaisku, sin moyakinbí in akuoi kon moibogbí iko mogaid kon onu inta pinoigumku tanaa. Bo moiḻiubí kon tua in aidanmu.

PILIPI 2:22

Sin inontong bidon monimu tontaní kon ki Timotius tua in nokobaragunabí kon inakó. Sia in totu-totuudon nogaid takinku nopotaau magí-mako in Habar Mopia inta nongkon i Allah. Kaminda naa in nádon onda guyanga bo adí.

TESALONIKA 2 3:14

Bo aka oyúon in intau inta doí mokidongog kon onu in pinoguman nami kon bonu in surat tanaa, yo mokopoingat kon intau natua bo donaai moyobayat takin intau tatua sinbá mooyá in sia.

PILIPI 2:12

Utat mita inta kotabiku, moiko umuranbí kodu-kodudui kon inakó wakutu in akuoi koyota-yotakinpa monimu, tuamai poigumonku kon i monimu, umpaka in kita nogiyayúandon táe umuranbí ramuji aidai onu inta kinoibog i Allah. Sin moiko aindon pinosaḷamat i Allah, tuamai umuran ramuji sinbá iko in mobiag mosompurna. Mokopoendar in mogaid kon tua komintan podudui kon inta kinoibog i Allah.

KORINTUS 2 8:24

Tuamai poigumon nami, poniatabí in tabi monimu kon i monia, sinbá bayongan in jamaat monotaaudon kon moiko in motabibí kon i monia, bo onu in dinui-duímai nami soaḷ moiko moniata kon totuubí.

ULANGAN 13:3

dikadon iko mokidongog kon tosingogonnea. Ki Tuhan Allahmu in nomaké kon intau tatua sin monungkuḷ kon i monimu, sin moindoi mongo totu-totuu in moiko motabi kon i Tuhan ande diá.

ULANGAN 8:16

Kon padang gurun Sia nobogoi in manna kaanonmu, kokaanon inta diábí kinotaauan in mogoguyangmu. Inaidan i Tuhan intua sin monungkuḷ kon i monimu bo motundú sinbá mokopoompá kon gina, bá kon buitnea Sia mopoaid in mopia kon i monimu.

ULANGAN 8:2

Toropdon! Opat nopuḷú notaong koonggotnea in ki Tuhan Allahmu nodia kon i monimu kon bonu in binayáan moyayú sinumaḻib kon padang gurun. Binayáan tatua imakusud i Tuhan monungkuḷ kon i monimu, sinbá koontongan-Neadon onu in kon bonu in ginamu bo indoian-Nea mongo moiko mokopotoindudui kon parenta-Nea mita.

IḶUAIAN 16:4

Ki Tuhan noguman kon i Musa, “Tanaa in poponag-Kudon in kaanon inta mobarong totok ná uyan sin kaanon monimu komintan. Pomuḷoi in singgai moiko in musti mosipun kon kaanon tatua inta tugat kaanon tosinggai. Natuata in pononungkuḷ-Ku kon umat-Ku sinbá kotaauan-Ku mongo motoindudui in mosia kon parenta-Ku andeka diá.

KORINTUS 2 2:3

Manangka intua akuoi in nomais kon surat tanaa kon i monimu. Sinbá aka akuoi mamangoi, yo diá yoyigaan monimu in ginaku, sin tongábí moiko in haraponku mako motaau mopoḷunganga in ginaku. Sin moyakinbí in akuoi kon aka ginaku bo mosanang, yo moiko in mosanangbí doman komintan.

KORINTUS 2 2:4

Moajar totok in ginaku in nomais kon surat tanaa kon i monimu, nodapot in koomba-ombaḷ akuoi in nomais. Deemanbí makusudku kon bá moajar doman in gina monimu, táe bá kotaauan doman monimu kon motabibí totok in akuoi kon i monimu komintan.

KORINTUS 2 2:8

Poigumonku doman, totu-totuubí kotabi monimu in sia tua.

KORINTUS 2 8:2

Umpakabí mosia in kinoantugan in totungkuḷ inta totok in mobogat. Táe gina monia in tantúbí noḷunganga, sin umpaka kon bonu in roriga táe moibogpabí doman in mosia nobogoi in sumbangan pinotuḷung kon intau ibanea umpaka mosia totok doman in nobiag nobogá.