KORINTUS 2 2:4 - Alkitab Singog In Mongondow Masa In Tanaa

⁴ Moajar totok in ginaku in nomais kon surat tanaa kon i monimu, nodapot in koomba-ombaḷ akuoi in nomais. Deemanbí makusudku kon bá moajar doman in gina monimu, táe bá kotaauan doman monimu kon motabibí totok in akuoi kon i monimu komintan.

KORINTUS 2 2:4 Referans Kwoze

KORINTUS 2 7:12

Tuamai, umpakabí akuoi in nomaisdon kon surat tatua, táe pinaisku intua deemanbí lantaran intau inta kotaḷá tatua. Bo deemanbí doman lantaran intau inta nororiga sin pinopisí in taḷá tatua. Akuoi in nomais kon surat tatua sinbá kon tayowon i Allah, kotaauandon monimu tontaní kon moḷobenbí totok in perhatian monimu kon i nami.

MAZMUR 119:136

Ḷuáku in moiḻig naonda bo ongkag, popisí in hukum-Mu diá dinuduian.

PILIPI 3:18

Akuoi in umurandon noguman kon i monimu, táe tanaa in takindon ombaḷ akuoi in moguman kon nobayongdon in intau inta kobobiagnea momoguyaat kon mangaḻe in kinopatoian i Kristus kon kayu pinoyotaḻempang.

KORINTUS 2 12:15

Tuamai mopiabí in ginaku bo morelabí in moposarakan in bayongan yagi-yagi, sin kopontingan monimu, nodapotkabí in awakku naa. Dá aka akuoi bo totok in motabi kon i monimu, umpaka yo diápa doman kotabi monimu in akuoi?

KORINTUS 2 11:2

Akuoi in mokotanob kon i monimu, naonda bo kototanob i Allah kon i monimu. Moiko nion in naonda bo mongodeaga inta ain pinodandiku kon nikaan in tobatú ḷoḷaki, ḷoḷaki tatua in ki Kristus.

KORINTUS 2 2:9

Suratku tanaa in monungkuḷbí kon i monimu, mongo moibogpa ande doídon degá in moiko mokidongog kon onu inta pinogumanku kon i monimu.