KORINTUS 2 11:14 - Alkitab Singog In Mongondow Masa In Tanaa

¹⁴ Diábí mokoherang in oaid monia tua, sin ibilispa in nongaku doman saḷaku malaekat in bayag!

KORINTUS 2 11:14 Referans Kwoze

GALATIA 1:8

Táe intau inta nopoyaput in kai monia “habar mopia” inta noyoposi in Habar Mopia inta pinoyaput nami tua in igumonku mako bá hukumon i Allah in sia, kami kabí tontaní andeka malaekat nongkon soroga!

KORINTUS 2 2:11

Akuoi in mongampung sinbá Ibilis in diá mogamá kon kasampatan mongawasa kon i naton; sin kinotaauan bidon naton in tomayánea.

KORINTUS 2 11:3

Táe moḻia-ḻiawpa in ginaku sin dika-dika bo moitabat in raian monimu bo diádon motoindudui kon i Kristus, naonda bo ki Hawa koḻipod inta kinoakaḷan in uḷag.

WAHYU 12:9

Naga inta moḷoben tatua in pinogarab kon ḷuai! Sia tua in uḷag guranga, Ibilis in tangoinea ande Dimukud Moraat, inta monguboḷ magí-mako kon dunia naa. Sia in iḷumbú kon dunia naa takin malaekatnea mita.

EPESUS 6:12

Sin kita in moparang deemanbí moyogintayow in intau, táe moyogintayowbí in ropot in bayongan dimukud moraat inta nongawasa kon singgai moraat mita tanaa. Kita in monayow kon ropot in roho mita moraat inta nongawasa kon ḷangit.

KOLOSE 1:12

bo diá doman mokoḻiong in mosukur kon i Amá, sin ki Amá tua in nopopatus motarima kon onu inta sinadia i Allah kon umat-Nea inta nobiag kon bonu in bayag.

KOLOSE 1:13

Pinilatan-Neadon in kita nongkon kawasa inta nosindip bodongka pinamping kon bonu in dodatuan i Adí-Nea inta kinotabi-Nea.