KORINTUS 2 10:4 - Alkitab Singog In Mongondow Masa In Tanaa

⁴ Sin ḷoḷutam mita inta pinaké nami kon usaha tanaa in deemanbí ḷoḷutam in dunia naa, táe ḷoḷutambí mita inta inogoi i Allah inta mokosanggup momoguyaat kon onu inta mokooḻingoi

KORINTUS 2 10:4 Referans Kwoze

KORINTUS 2 6:7

bo poḷat doman mopotaau in habar nongkon i Allah takin kawasa i Allah, pinoontongdon nami kon kami naa in mogogaid mita kon oaidan i Allah. Kami in kinumadai kon onu in kinoibog i Allah saḷaku ḷoḷutam nami kon moḷawang andeka pobela kon onu in inaidan nami.

YEREMIA 1:10

Singgai in naa Akuoi in mobogoi kon inimu in kawasa kon bangusa mita bo dodatuan mita – kawasa mogumpag bo morumbun, bo mopoḷabú bo moyopú, sin moposindog bui bo momuḷa.”

KORINTUS 1 2:5

Tua inaidan sinbá pirisaya monimu kon i Kristus in diá tongá podoyon kon kapandoian intau, táe podoyonbí kon kawasa i Allah.

TIMOTIUS 1 1:18

Timotius, adíku! Oaidan tanaa in inogoiku kon inimu pinodudui kon koyow i Allah inta ain pinoyaput in nabi mita kon jamaat soaḷ iko. Baḻídon baḷunmu in koyow i Allah tatua in mogaid kon bayongan oaidan inta mopia. Poramuji totu-totuu takin umuran kumadai kon inta moitutui bo paké in gina motuḻid bo modarit.

SURAT I PAULUS KON JAMAAT RUM 13:12

Doḷom diádon moonggot; topípa mobayagdon. Dá koḻigai mogogaidon in kita in mogaid kon inta diá mopia, bo momakédon in sonjata inta mobayag.

TESALONIKA 1 5:8

Táe kita naa in intaubí inta nobiag kon singgai inta nobayag; manangka intua musti doman mobayag in raian naton, bo tantú mopirisaya kon i Tuhan bo mositabian doman bo umuran moharap kon bonu in pirisaya kon posaḷamatonbí i Allah in kita. Tuabí in ḷoḷutam inta pakéon naton moḷawang kon inta mosindip.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

SURAT I PAULUS KON JAMAAT RUM 6:13

Bo dika domandon posarakan in awakmu kon kawasa in dosa sin pakéonnea mogaid kon inta mongoraat. Táe posarakaidon in awakmu kon i Allah saḷaku intau inta ain pinamping nongkon kawasa in popatoi bo pinobayá in kawasa inta mokobiag. Posarakaidon in awakmu komintan kon i Allah sinbá pakéon mogaid kon onu in kinoibog-Nea.

KORINTUS 2 3:5

Diábí in dodoyonan singog nami in mosingog kon kami in mokosanggupbí mogaid kon oaidan tanaa, sin tongábí ki Allah in nobogoi komampuan tanaa kon i nami.

MAZMUR 110:2

Nongkon Sion ki Tuhan in mopooḷadbí in dodatuanmu; kawasaaidon in musungmu mita!

IBRANI 11:30

Popisí in nopirisaya, dá norumbunbí doman in intau Israel in dinding Yerikho wakutu in iḻibu monia pitu nosinggai.

TIMOTIUS 2 2:3

Iko in musti moyotakin rumoriga saḷaku tontara i Kristus inta motoindudui.

OUMAN IN RASUL MITA 7:22

Bayongan in pongotahuan in bangusa Mesir nodait sinundú kon inia, sahingga in sia nobaḻí intau inta totok mokawasa kon soaḷ pososingog bo oaidnea.

YESAYA 30:25

Kon singgai benteng mita in musungmu kinopung bo intaunea mita iḻimod, batúan in buḷud bo tombuḷudnea mopoḷuaidon in tapá mita.

YOSUA 6:20

Bo imang mita nogirupdon kon torompetnea. Bo naonda in kinodongogan in intau mita in Israel in torompet tatua, mosia norogiow noropot totok, bo dinding in kotá in Yerikho norumbun. Bayongan in tontara in Israel baḷúdon noponik, bo sinumuot in kotá tatua bo nogagow.

KORINTUS 2 13:10

Tuabí doman in makusudku nomais kon surat tanaa kon wakutu in noyogiyayúanpa in kita. Sinbá aka akuoi bo mamangoidon kon yua-yuak monimu, yo diádon in akuoi mokoporogi in tumayow kon i monimu, podudui in kawasa inta inogoi i Tuhan kon inakó sin ponompia kon i monimu, deemanbí pomoguyaat.

KORINTUS 1 9:7

Diábí in tontara in mayá moparang bo umongkos tontaní! Bo diábí doman in monononggobá inta nomuḷa kon anggur táe diá mosipú kon bungainea! Bo diábí doman in intau inta nomiag kon domba bo diá monginum kon susu nongkon domba inta piniaranea tatua!

YEREMIA 23:29

Tosingogon-Ku in naonda bo tuḷú, bo ná bobibil inta norimumud kon batu!

KORINTUS 2 10:8

Akuoi in diábí mooyá aka akuoi tantú moduí mako kon kawasa inta ain inogoi i Tuhan kon i nami, sin kawasa tatua in ogoibí pomiag kon i monimu, deemanbí pomatoi.