KORINTUS 2 10:1 - Alkitab Singog In Mongondow Masa In Tanaa

¹ Akuoi ki Paulus, inta kain intau in diá mobarani moyogintayow mako, tongá mobarani aka moyogiyayúan monimu. Tanaa mako pinodoyon kon koaḷus bo kopopia in gina i Kristus,

KORINTUS 2 10:1 Referans Kwoze

KORINTUS 2 10:10

Sin oyúon intau noguman nanaa, “Bonu in surat mita i Paulus tua in motogat bo mokobangkaḷ, táe aka siadon tontaní in kon yua-yuak naton, yo moyangkodon in sia bo singognea mita tua in diádon in mangaḻenea!”

MATIUS 11:29

Aidaidon onu inta pinoki aid-Ku kon inimu, bo duduidon kon oaid-Ku, mokopoompá kon dodia bo mokopoaḷus kon pososingog, dá iko in mokodungkuḷ kon kopiaan.

GALATIA 5:2

Pokotorop in naa, akuoi, ki Paulus in moguman kon i monimu: Aka moiko bo mokisunat, yo tua in mangaḻenea, ki Kristus in diádon baraguna kon i monimu.

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

KORINTUS 2 11:30

Dá aka akuoi bo moduí kon onukadon, yo duíonku tua in kakurangankubí.

KORINTUS 1 2:3

Kon dodai in kotaki-takinpa monimu, moḻemé bo mouyot totok in akuoi.

WAHYU 1:9

Akuoi ki Yohanes, ki utatmu inta kinoantugan doman in roriga inta ná noiantug kon intau mita inta mopirisaya kon i Kristus. Mustibí mokoposabar in monahang kon roriga in kita saḷaku kapunyaan-Nea. Akuoi in iḷumbú kon Pulau Patmos popisí in nopotaau in koyow inta nongkon i Allah, inta inirigonan i Yesus pinongin onu inta inouman-Nea.

PETRUS 1 2:11

Utat mita inta kinotabiku! Moiko nion in intaubí mokokiangoi bo momomaḷancong kon dunia naa. Akuoi in mononggina kon inimu, donaai tongá umuran dumudui kon ibog in awak naa inta umuran mobobayowan moḷawang kon jiwa.

PILEMON 1:9

Tongá lantaran akuoi motabi kon i Utat, dá tongábí akuoi mopoigum kon inimu. Akuoi naa in guyanga bo apa doman tanaa akuoi in pinonjara popisí in nogaid kon oaidan i Kristus Yesus.

TESALONIKA 2 3:17

Akuoi, ki Paulus mopoyaput in salam kon i monimu. Akuoibí tontaní in nomais kon surat tanaa. Naa in tanda pinakéku kon bonu in bayongan suratku.

EPESUS 4:1

Manangka intua akuoi – saḷaku intau inta pinonjara sin nogaid kon oaidan i Tuhan – mopoigum totok kon i monimu: sinbá moiko, intau inta inoinídon in kobiag domandon ná inta kaadaanmu saḷaku intau inta inoiní i Allah.

GALATIA 4:13

Tantú kotoropanpabí monimu nongonu sin akuoi in namangoibí nopoyaput in Habar Mopia kon i monimu tungkuḷ intua. Tua in lantaranbí akuoi notakit.

KORINTUS 2 12:5

Intaubí tatua in nokoḷunganga kon ginaku, deemanbí awakku tontaní. Sin aka kon inakó yo ondabí inta nogaatpa kon awakku, tuabí in duíonku.

KORINTUS 2 11:21

Takin porasaan mooyá musti akuonku, kon kami in diábí mokobaḻí in momia natua. Táe aka intau ibanea bo mokobaḻí in dumodia, yo akuoi in mobaranibí doman! (Akuoi in mosingog naonda bo intau bodok.)

KORINTUS 2 10:7

Indoiaidon kopira onu inta nobaḻí kon tayowonmai monimu nion. Aka oyúon intau in moyakindon totu-totuu kon sia tua in kapunyaan i Kristus, yo musti in sia morai kon bonu in ginanea kon kami doman naa in kapunyaanbí doman i Kristus, naonda bo sia.

KORINTUS 2 10:2

poigumonkudon kon inimu sinbá moiko in diá momakisa kon inakó mopoontong in kabaranianku aka akuoi in mamangoidon kon i monimu. Sin tomayáku in torúankubí totok in intau mita inta mosingog kon kami in mogaid kon naa sinbá mokouḻí kon kauntungan kon dunia naa.

KORINTUS 2 7:4

Akuoi in mopirisaya bidon totok kon i monimu. Moiko nion inta totok mokoḷunganga kon ginaku! Umpakabí mobayong in yoyiga korasaanku, táe noundambí in ginaku, sin lantaran moiko nion. Totuu moḷunganga in ginaku!

KORINTUS 2 6:1

Saḷaku yobayat topogaidan i Allah, kami in mononggina kon i monimu; donaai tongá pomayá mako in totabi i Allah inta ain inogoi-Nea kon i monimu.

KORINTUS 2 5:20

Dá kami naa in totabábí mita i Kristus inta pinaké doman i Allah mopoyaput in koyow-Nea kon i monimu. Tuamai podoyon nami kon tangoi Kristus, kami in mopoigum sinbá moiko in moibogdon motarima kon totabi i Allah inta mobogoi in kasampatan kon i monimu mopopiaan takin-Nea.

KORINTUS 2 3:12

Lantaran natua in harapan nami, dá mobarani in kami mosingog kon natua.

KORINTUS 1 4:10

Kami in sinumon bodok lantaran ki Kristus. Táe moiko in nopandoidon lantaran ain nopirisaya kon i Kristus! Kami in diádon mokopongonu, táe moiko in noropotdon! Kami in tantú irebeg in intau, táe moiko in umuran dinuí!

SURAT I PAULUS KON JAMAAT RUM 15:15

Táe kon soaḷ mita ibanea, ogoiankupa in tompoingat in moiko pongin surat tanaa, sin ki Allah ain noponotabi in oaidan tanaa kon inakó.

SURAT I PAULUS KON JAMAAT RUM 10:20

Ki Nabi Yesaya nobarani doman in noguman bui nanaa, “Nanaa in pirman i Allah, ‘Intau inta diá motayak kon i-Nakó, ain nokodungkuḷ kon i-Nakó; bo Akuoi in nokipogontongdon kon i monia inta diá nopoḻibo-ḻibó kon soaḷ Akuoi.’ ”

OUMAN IN RASUL MITA 8:32

Naa in tontagá inta binacanea tua, “Sia in naonda bo domba inta diaan ratáan, ná ki adí in domba inta tongá kibio-biómai aka gonsingan in bubuḷnea, natua in Sia diábí moposingo-singog.

MATIUS 21:5

“Pogumandon kon bobay in Sion, Indoiai, Datumu namangoi kon inimu. Moompá in dodia-Nea bo sinumakoi kon keledai tobatú, tobatú keledai inta moguodpa.”

ZAKHARIA 9:9

Ei intau in Sion, pokoḷungangadon! Ei intau in Yerusalem, ponggoḷokapdon! Indoiaika! Datumu in mamangoi takin nountung! Sia in datu moadil inta nodia kon kasaḷamatan. Táe moompá totok in dodia sia in noiyaput sinumakoi kon keledai, keledai batánea.

MAZMUR 45:4

Pogabitdon in kedangmu kon ogotan, ei datu inta motorindog, iko in totok in momulia bo motaingkat!

KORINTUS 1 4:21

Tuamai piḻídon onu in koibog monimu! Moibog in moiko sinbá mamangoi takin sambok in akuoi andeka mamangoi takin pia in gina?

EPESUS 3:1

Akuoi ki Paulus, pinonjara popisí in nogaid kon oaidan i Kristus Yesus sin kopontingan monimu intau inta deeman Yahudi.

PILIPI 4:5

Pomayádon mako bá ontongondon in bayongan intau in oaidmu inta mopia in gina. Sin diádon moonggot ki Tuhan in mamangoi.

KOLOSE 1:23

Manangka intua, moiko in musti umuran mosatia in mopirisaya bo umuran doman kumadai mokoporopot kon onu inta ain pinirisaya monimu. Dika modapot in ukatan monimu harapan inta ain inogoi kon i monimu wakutu in moiko notarimadon kon Habar Mopia nongkon i Allah. Habar Mopia tatua ain pinotaau kon bayongan intau kon dunia naa. Bo popisíbí in tuata, akuoi ki Paulus in nobaḻí mogogaid kon oaidan i Allah.

PILEMON 1:19

Yo tanaa akuoi in momaisdon tontaní kon tanaa: Akuoi, ki Paulus, moguboḻi kon bayongan boḻinea. (Tantú diá bidon paraḷuku ponorop bui kon i Utat, kon iko tontaní in koboḻibí doman kon inakó, boḻimu tua in kobiagan mobagu saḷaku intau Keresten.)