KORINTUS 2 1:4 - Alkitab Singog In Mongondow Masa In Tanaa

⁴ Sia in tantú moginyopot kon gina nami kon dodai in kami kinoantugan in yoyiga, sahingga in nokosanggup doman in kami noginyopot kon gina in bayongan intau inta kinoantugan in yoyiga.

KORINTUS 2 1:4 Referans Kwoze

TESALONIKA 1 5:11

Tuamai umuranbí positongginaan bo mosirigonan kon gina ná inta biasamai aidan monimu.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 40:1

Nanaa in tosingogon i Allahmu, “Ḻipoidon, ḻipoidon in bangusa-Ku!

MAZMUR 32:7

Ikobí in pogogadopanku, Pinoḷuat-Mu in akuoi nongkon roriga. Dá akuoi in nonggoḷokap pia in gina, sin Iko in noposaḷamatdon kon inakó.

IBRANI 12:12

Tuamai, koropot in ḻimamu inta noḻemé bo duḷudmu inta mouyot tua!

YOHANES 14:18

Moiko in diábí taḷaan-Ku tontaní ná uno-unon. Akuoi in mamangoibí bui kon i monimu.

YOHANES 14:16

Poigumon-Kubí kon i Amá, bo ogoian-Neabí moiko in mototuḷung ibanea, inta umuran mogutun moyotakin monimu.

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

YOHANES 14:26

Táe Roho i Allah, Mototuḷung inta bain potabá i Amá podoyon kon tangoi-Ku. Siadon tua in motundú kon i monimu kon bayongan rupa-rupa bo moponorop bui kon i monimu kon bayongan inta ain pinotaau-Ku kon i monimu.

YESAYA 52:9

Porogiowdon, ei rumbun mita in Yerusalem, sin ki Tuhan in noḻipoi kon umat-Nea bo nopoḷuat kon Yerusalem.

MAZMUR 32:5

Bo akuoi in nongakudon kon dosaku kon ini-Mu, taḷáku diá in binuniku. Sinantúkudon kon akuonku kon ini-Mu, bo inampungan-Mu in bayongan in dosaku.

TESALONIKA 1 4:18

Tuamai in pakédon in singog tanaa kon mosirigonan kon gina in tumpaḷa utat.

KORINTUS 2 7:13

Tuabí manangka in noonow in gina nami. Koḻikud in moonow, nodugang doman totok ḷunganga in gina nami sin nokoontong kon ḷunganga in gina inta kinorasaan doman i Titus; nopia in ginanea lantaran moiko.

YESAYA 51:3

Yerusalem, ḻipoion-Ku in iko, bo bayongan inta nogutun kon kino rumbunanmu. Rawangmu mita inta noḷogat binaḻí-Kudon taman, naonda bo Eden, taman-Ku inta noḷumbá. Kon tua intau in morogiow bo mopia in gina bo mosukur pongin dondong mita.

MAZMUR 86:17

Ogoiaidon in akuoi in tomponuot in kopopia-Mu, o Tuhan, sinbá intau inta mondoí kon inakó angoian in oyá, aka mosia in mokoontong kon ini-Mu motuḷung bo moḻipoi kon inakó.

MAZMUR 66:16

Angoidon bo indongogaidon, ei bayongan in intau inta motoguondok kon i Allah, oumanonkudon onu inta inaidan i Allah kon inakó.

YESAYA 49:10

Mosia in diábí morogang andeka gogoyon, bo diábí kotugatan in patú in mata in singgai kon padang gurun. Sin Akuoi, in motabi kon i monia, in modiabí kon i monia, bo modia kon i monia mayá in bokaká mita.

PILIPI 1:14

Pinomonjaraan kon inakó in nobaḻídon dodoyonan sahingga in nobayong intau in Keresten kon kotá tanaa in nobaḻí nopirisaya totok kon i Tuhan, dá diádon moondo-ondok in mosia mopotaau in koyow i Allah.

KORINTUS 2 7:4

Akuoi in mopirisaya bidon totok kon i monimu. Moiko nion inta totok mokoḷunganga kon ginaku! Umpakabí mobayong in yoyiga korasaanku, táe noundambí in ginaku, sin lantaran moiko nion. Totuu moḷunganga in ginaku!