KORINTUS 2 1:16 - Alkitab Singog In Mongondow Masa In Tanaa

¹⁶ Tomayáku tua in kon dodai akuoi mayá in Makedonia yo mongandupa muna in akuoi kon i monimu, ná doman tua in aka mobuidon. Sinbá motaaupa in akuoi mokituḷung kon i monimu, aka akuoi mayá in Yudea.

KORINTUS 2 1:16 Referans Kwoze

OUMAN IN RASUL MITA 21:5

Táe naonda in nodaitdon in wakutu nami kon tua, minayádon in kami nongkon tua bo nongingguputdon kon bobayáan nami. Intau mita inta mopirisaya takin buḷoi bo adí monia nogatod kon inami nodapot kon ḷuai in kotá. Noidapotmai kon bingkí in pintad, kami in sinumungkud bo nosambayang.

OUMAN IN RASUL MITA 15:3

Dá inatod in jamaat mita kon Antiokhia in mosia nodapot kon ḷuai in kotá, onda intua minayá nongin Penisia bo Samaria in mosia. Kon tua mosia in nongonguman kon soaḷ kon naonda sahingga intau mita inta deeman Yahudi nobaḻí nopirisaya kon i Allah. Habar tatua in totok nokosanang kon gina in intau mita mopirisaya kon tua.

SURAT I PAULUS KON JAMAAT RUM 15:26

Sin jamaat mita kon Makedonia bo kon Akhaya ain notobatú kon gina bo nobogoi in totuḷung kon utat mita inta nobiag nobogá kon sigad in umat i Allah kon Yerusalem.

KORINTUS 1 16:11

Ḷukadai sinbá diá in kon sigad monimu in mopoompámai kon inia. Bo tuḷungai in sia sinbá motaaupa bui mamangoi kon inakó takin mosaḷamat, sin akuoi in mogoḷat mako kon koangoiannea takin i utat mita naton ibanea.