KORINTUS 1 9:9 - Alkitab Singog In Mongondow Masa In Tanaa

⁹ Kon buk i Musa pinais nanaa, “Donaaibí pomponan monimu bibig in sapi inta koyogot in moritak kon gandum sin moripú kon batoḷnea.” Eta degá sapibí tatua in umuran tarukiraan mako i Allah?

KORINTUS 1 9:9 Referans Kwoze

ULANGAN 25:4

Dika momompon kon bibig in sapi inta yogot moḻintog kon gandum.”

TIMOTIUS 1 5:18

Sin kon bonu in buk motusi in pinaisdon nanaa, “Sapi inta koyogot in moritak kon gandum sinbá moripúdon in batoḷ in gandum nongkon simpungoinea, donaaibí pomponan in bibignea.” Bo pinais doman nanaa, “Intau inta mogaid in patusbí motarima kon boḻi in pinogaidannea tatua”.

MAZMUR 104:27

Mosia komintan in mogoḷatbí mako kon ini-Mu, sinbá mokouḻí kon kaanon kon wakutunea.

YUNUS 4:11

Yo umpaka dá diá moajar in ginaku in moraimai kon Niniwe, kotá inta moḷoben tatua. Sin koḻikud in mahaḷuknea mita inta diádon koiapan tua, kon tua in oyúon doman in noiḻiu kon mogatut bo doyowa nopuḷú noribu in adí inta diápa motaau mopoyoposi kon onu inta mopia bo onu inta moraat.”

ULANGAN 5:14

táe singgai noginpitu tua in singgai pogogaian inta tondíondon kon i-Nakó, ki Tuhan Allahmu. Kon singgai tatua diábí motaau in tobatúmai intau in mogaid, pinomayá moiko, adímu mita, bobantungmu mita, bobiagonmu ande intau ango-angoi inta nogutun kon butámu. Bobantungmu mita in musti mogogai ná doman moiko.

AMSAL 12:10

Intau mopia in umuran monaridi kon bobiagonnea; táe intau moraat in mopogutúbí.

SURAT I PAULUS KON JAMAAT RUM 4:23

Singog “sinarima saḷaku intau inta mokosanang kon gina i Allah”. pinais deemanbí tongá kon i Abraham tontaní;

YESAYA 28:28

Kon dodai in moḻintog kon gandum, diábí tantú bobakannea modapot in morimumud. Diábí! Kinotaauanneabí in poḷoḻintog moitutui inta poḷat tumakoi kon roda kon tudunea tongá diábí morimumud kon batoḷ mita in gandum tatua.