KORINTUS 1 8:9 - Alkitab Singog In Mongondow Masa In Tanaa

⁹ Tongá musti mokopopia! Sinbá diá mokopopisí kon intau mita inta diápa noguyang in pirisaya monia in baradosaan, sin popisí in moiko nobebasdon in mogaid kon onukadon.

KORINTUS 1 8:9 Referans Kwoze

GALATIA 5:13

Utat mita! Moiko aindon inoiní mobaḻí intau inta nobebas. Táe donaaibí pakéon in kabebasanmu tatua saḷaku kasampatan mogaid kon onukadon in koibog monimu aidan. Táe popobaragunabí in kasampatan tatua motuḷung kon intau táe musti podoyon kon tabi kon tumpaḷa intau.

PETRUS 1 2:16

Bo kobiagdon in moiko saḷaku intau inta mobebas, táe donaai pakéon in kabebasan tatua sin momompon kon aid mita monimu inta moraat, táe kobiagbí saḷaku intau mita inta nogaid kon oaidan i Allah.

PETRUS 2 2:19

Mosia tua in mopodandi in kasaḷamatan kon intau ibanea, bokaka mosia tontaní ain nobaḻí ki ata in oaid mita inta diá mopia inta mokogoguyaat kon intau. Sin aka tobatú intau bo sinaḷowdon in tobatú kawasa dá sia in mobaḻí bidon ata in kawasa inta nokotaḷow kon inia tua.

KORINTUS 1 10:24

Dikabí tongá morai kon kopontingan monimu tontaní, táe poraibí doman kon kopontingan intau ibanea.

KORINTUS 1 10:32

Kobiag mokopotompia bá diá tongá mokobaradosa kon bayongan in intau; pinomayá intau in Yahudi ande Yunani ande jamaat i Allah.

KORINTUS 1 9:22

Aka kon yuak in intau mita inta diápa noguyang in pirisaya, yo akuoi in ná bí doman onda bo mosia, sinbá moidudui kon inakó in mosia bo mobaḻí komintan dumodudui i Kristus. Simpodon mako kon singog, norupa-rupamaidon in akaḷ inaidanku kon yuak in bayongan intau sinbá oyúon in mopirisaya kon i Kristus bo posaḷamaton.

KORINTUS 1 8:12

Bo aka natua in tantú aidan monimu kon bayongan utat mita Keresten – dá mangaḻenea kon tua, moiko in nomoguyaatdon kon pirisaya in intau inta diápa noguyang in pirisaya – dá baradosaandon kon i Kristus in moiko.

KORINTUS 1 8:10

Nanaa i makusudku: Aka kuma moiko inta aindon nopirisaya totu-totuu bo indoianmai iḻimitúbí mako bo mongaan kon bonu in baḷoi pobobogoian kon sosumba kon berhala, bo inontong in intau mita inta diápa noguyang in pirisayanea. Dá tantú oaidmu tatua in mobogoi bidon in contoh kon intau ibanea sahingga in nobarani intau tatua nokaan kon kaanon inta inogoidon pinosumba kon berhala?

WAHYU 2:14

Tongá oyúon doman in diá kinosanang-Ku kon i monimu: Sin oyúon in tongonumai intau kon sigad monimu in dinumudui kon onu inta sinundú i Bileam. Ki Bileamdon naa inta notundú kon i Balak kon naonda in mopoḷabú kon intau Israel kon bonu in dosa; mosia in nodondouḷug kon intau Israel nokaan kon kaanon inta ain pinosumba kon berhala bo nogaid doman kon soaḷ mita inta mokotor.

KORINTUS 2 11:21

Takin porasaan mooyá musti akuonku, kon kami in diábí mokobaḻí in momia natua. Táe aka intau ibanea bo mokobaḻí in dumodia, yo akuoi in mobaranibí doman! (Akuoi in mosingog naonda bo intau bodok.)

KORINTUS 1 10:29

Makusudku in diábí degá kon bonu in gina monimu intua, táe degá kon bonu in gina intau ibanea. Sin degá oyúon in moḻibó nanaa, “Nongonu sin ginabí in intau ibanea in monantú kon ibogku?

SURAT I PAULUS KON JAMAAT RUM 15:1

Kita inta ain totu-totuu moyakin kon onu inta pinirisaya naton, mustibí mosabar in mokodongog kon onu inta kinodoí in intau inta diápa totok in moyakin. Donaaibí in kita tongá moposanang in gina naton tontaní.

YEHEZKIEL 14:3

“Ei intau inta ilo-ilow, intau mita tanaa in noposarakandon in awaknea mita kon berhala nodapot in mosia in irumobudon kon dosa. Yo umpaka dá moibog in Akuoi poḻibóan monia?

YESAYA 57:14

Oyúon in noguman, “Aidaidon bo sadiadon in daḷan kon umat-Ku, Posídon in bayongan in tuḷamboi.”

YESAYA 35:3

Koropot in ḻima inta moyangkó, koroton in duḷud inta mourot.

IMAMAT 19:14

Dika mogodi-godimai kon intau bongoḷ bo dika mopoḷamboi in batu kon tayowon intau bilog. Moiko mustibí mohoromat bo motoguondok kon i-Nakó, sin Akuoi in ki Tuhan Allahmu.

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

YEHEZKIEL 44:12

Táe popisí in mosia ain nomia kon upacara posumbaan kon berhala sin kopontingan in bangusa in Israel, bo pinongin aid monia tatua mosia in nokopopisídon kon bangusa tatua nogaid kon dosa, dá Akuoi, ki Tuhan Inta Totok in moḷantud, mongibot kon mosia in mustibí hukumon.

KORINTUS 1 10:28

Tongá aka oyúon in moguman kon i monimu nanaa, “Kaanon tanion ain bidon pinosumba kon dimukud moraat,” yo dikabí kaanon monimu intua sin aindon muna pinotaaunea, bo kaanon tatua in kinodoíbí in ginamu.

KORINTUS 2 6:3

Doíbí in kami aka oaidan nami bo potaḷáan. Manangka intua kami in tantúbí moramuji kon diá mobogoi in alasan kon tobatúmai intau in mogaid kon soaḷ tatua.

KORINTUS 2 11:29

Aka oyúon in mokorasa kon moḻemé, yo akuoi in moitakinbí doman moḻemé. Aka oyúon in moiḷautdon mogaid kon inta diá mopia, yo moitakinbí doman in ginaku moyoyiga.

KOLOSE 2:8

Mustibí mokopoingat in moiko, dikabí modapot in oyúon in mokodondouḷug kon i monimu takin raian mita inta tongá pinodoyon kon pandoi in intau inta diá in baragunanea, táe tongá mokopoyaying kon pirisaya. Raian mita tatua in deemanbí nongkon i Kristus, táe tongábí nongkon raian in intau bo nongkon roho mita inta nongawasa kon dunia.