KORINTUS 1 6:17 - Alkitab Singog In Mongondow Masa In Tanaa

¹⁷ Táe intau inta moibog motobatú i Tuhan, tantú rohonea in notobatúbí doman in Roho i Tuhan.

KORINTUS 1 6:17 Referans Kwoze

GALATIA 2:20

Tongá akuoi in nobiag, táe deeman bidon akuoi, sin ki Kristus bidon in naa kon awakku. Bo kobobiagku tanaa mako in kobobiag bidon inta pinodoyon kon pirisayaku kon i Adí i Allah inta notabi kon inakó, bo inta ain noposarakan in awak-Nea tontaní sin kopontinganku.

KORINTUS 1 12:13

Natua doman in kita komintan, intau in Yahudi ande deeman, ata ande deeman; kita komintan ain bidon binaptis in Roho inta kotangoianmai naa, sinbá motobatúdon in kita kon awak i Kristus bo mokorasa doman kon Roho inta notongkai doman tatua.

YOHANES 3:6

Aka awak naa pinolahirbí in guyanga, táe aka secara rohani yo pinolahirbí in Roho i Allah.

EPESUS 5:30

Kinotaauanbí naton intua, sin kita in anggota mita in awak i Kristus.)

PILIPI 2:5

Kon kobiagan monimu, pakébí in raian bo porasaan i Kristus Yesus:

SURAT I PAULUS KON JAMAAT RUM 8:9

Táe moiko in diábí nobiag podudui in ibog in awak naa, moiko in nobiagbí podudui in ibog in Roho i Allah, aka totuu Rohodon i Allah in nongawasa kon i monimu. Táe aka kon intau tatua bo diá in Roho i Kristus, yo sia tua in deemanbí kapunyaan i Kristus.

KORINTUS 1 6:15

Kinotaauan bidon monimu uḻe utatku mita, kon awak monimu nion in notobatúbí i Kristus. Dá umpaka yo motaau gamáan in tobonsig bo pakéon mogaid kon inta diá mopia? Tantú diábí motaau!