KORINTUS 1 3:7 - Alkitab Singog In Mongondow Masa In Tanaa

⁷ Manangka intua ki Allahbí in moponti-ponting, sin Sia in mobogoi in kobiagan. Ki inta nomuḷa bo ki inta nomuta-mutak in diábí totok moponting;

KORINTUS 1 3:7 Referans Kwoze

YOHANES 15:5

Akuoibí in pangkoi in anggur, bo moiko in tanganea mita. Intau inta umuran motobatú takin-Ku bo Akuoi i motobatúnea, momungaibí in sia modatog, sin aka diá in Akuoi yo moiko in diábí mokopogaid kon onu bo onu.

GALATIA 6:3

Aka tobatú intau bo nosangka kon sia tua intau moponting, bokaka diábí, yo sia in nonguboḷdon kon inia tontaní.

KORINTUS 2 12:9

Táe sinubagan i Tuhan nanaa, “Tugatdon in totabi-Ku kon inimu; sin aka naníon kaadaan in awakmu, yo kawasa-Ku in modugangbí moropot.” Tuabí manangka in mopiabí totok in ginaku bo duíonkubí in onu inta nogaat kon awakku. Sin aka akuoi bo diádon mokopongonu, yo kon wakutu intuata korasaanku in kawasa i Kristus inta totok in moḷoben motuḷung kon i nakó.

MAZMUR 115:1

Deemanbí kami, o Tuhan, deemanbí kami, táe tongábí Iko in musti dayowon, sin Iko in mosatia bo umuran motabi.

KORINTUS 1 13:2

Bo umpakabí in akuoi in mopandoi mopoyaput in Habar Mopia nongkon i Allah bo motaau doman totok in soaḷ mita inta nongoibuni, ande nonotaau kon bayongan yagi-yagi bo mopirisaya doman totok kon i Allah, sahingga in motaau mopopamping in buḷud, táe aka diá in tabiku kon tumpaḷa intau, yo diábí in mangaḻe in kobiaganku!

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

YESAYA 41:29

Totuu, dewa mita tatua diá in baragunanea, mosia tua in tongábí patong pinomia inta diá kodaya, bo diábí mokoaid kon onu bo onu.”

YESAYA 40:17

Bayongan in bangusa diábí in mangaḻenea kon i-Nia, naonda bo diábí in kon tayowon-Nea.

MAZMUR 90:17

O Tuhan Allah nami, barakataipa in kami, sinbá bayongan in oaidan nami oyúon in bungainea.

KORINTUS 1 3:6

Aka ibarat pinomuḷa, akuoi in nomuḷa bo ki Apolos in nomuta-mutak, táe ki Allahbí in nobogoi in kobiagan.

KORINTUS 1 3:8

notongkaibí in taya dua tua, tongábí tumpaḷa motarima kon boḻi in ḷopí monia.

KORINTUS 2 12:11

Totuubí kon akuoi in sinumon intau bodok – táe moikobí in nomakisa kon i nakó nobaḻí natua. Sabanarnea moikobí in musti moduí kon inakó. Sin umpaka diá baraguna in akuoi kon i monimu, táe kon bayongan yagi-yagi akuoi in noiḻiubí kon rasul mita inta mongotoyang tua.