KORINTUS 1 3:23 - Alkitab Singog In Mongondow Masa In Tanaa

²³ Ki togi kon i monimu nion in ki Kristusbí, bo kitogi kon i Kristus in ki Allahbí.

KORINTUS 1 3:23 Referans Kwoze

GALATIA 3:29

Bo aka moiko bo ain nobaḻí kapunyaan i Kristus, dá moiko in buíbí i Abraham, tuamai moiko in motarima kon onu inta pinodandi i Allah.

KORINTUS 1 15:23

Táe pomuḷoi in intau in biagon poduduibí in gilirannea: muna-munamai totok in ki Kristus, bo naonda in Sia mamangoi bui bain tua bo moiduduimaidon in intau mita inta ain nobaḻí kapunyaan i Kristus.

KORINTUS 1 11:3

Tongá ibogonku in bá kotaauan doman monimu in atorang mita kon bonu in jamaat. Tongguḷu i Kristus in ki Allah. Tongguḷu in ḷoḷaki in ki Kristus. Yo tongguḷu in bobay tuata in ḷoḷaki.

YOHANES 17:18

Ná ki Amá nopotabá kon i-Nakó namangoi in dunia naa, dá natua doman in Akuoi mopotabá kon i monia kon dunia naa.

KORINTUS 2 10:7

Indoiaidon kopira onu inta nobaḻí kon tayowonmai monimu nion. Aka oyúon intau in moyakindon totu-totuu kon sia tua in kapunyaan i Kristus, yo musti in sia morai kon bonu in ginanea kon kami doman naa in kapunyaanbí doman i Kristus, naonda bo sia.

SURAT I PAULUS KON JAMAAT RUM 14:8

Aka kita mobiag, yo kita in mobiagbí kon kopontingan i Tuhan. Bo aka kita matoi yo matoibí doman kon kopontingan i Tuhan. Dá mobiag andeka matoi, kita naa in kapunyaanbí i Tuhan.

YOHANES 17:21

Akuoi in mopoigum Amá sinbá mosia komintan in motobatúdon, ná ki Amá notobatú takin-Ku bo Akuoi in notobatú doman i Amá; sinbá mosia in motobatú doman takin Naton sinbá dunia in mopirisaya kon Ikobí inta ain nopotabá kon i-Nakó.

GALATIA 5:24

Ki ine inta ain nobaḻí kapunyaan i Kristus Yesus, yo mosia tua ain doman noḷumbú kon tabiat in intau bo bayongan ibog in dunia naa.

KORINTUS 1 8:6

Táe kita in nopirisayabí kon tongábí tobatú in ki Allah. Inta nomaḻí kon bayongan bonu in dunia naa. Bo tongábí mobiag kon kopontingan-Nea in kita. Ki Tuhan in tongábí doman tobatú, tuata in ki Yesus Kristus. Pinongin i-Nia tua bayongan in yagi-yagi binaḻí, bo lantaran doman Sia dá nobiag in kita.

KORINTUS 1 7:22

Sin ata inta mopirisaya kon i Tuhan, nobaḻí bidon intau i Tuhan inta nobebas. Bo intau nobebas inta nopirisayadon kon i Tuhan, nobaḻí bidon mogogaid kon oaidan i Tuhan Yesus Kristus.

EPESUS 1:10

Makusud in tomayá-Nea tatua in bá bayongan in yagi-yagi inta kon soroga ande inta kon dunia naa, in motobatúdon i Kristus saḷaku tongguḷu. Bo soaḷ tatua in iḷapatandon i Allah aka aindon wakutunea.

MATIUS 17:5

Koyogotpa in ki Petrus nosingog kon tua, daḻi-daḻí noikoḷubung magí kon i monia in goḷom inta mobunod bo kinodongogan nongkon goḷom tatua in singog inta noguman, “Naadon in Adí-Ku inta kinotabi-Ku, Sia tanaa inta kinoibog-Ku, indongogaidon in Sia.”

KORINTUS 1 15:28

Táe naonda in bayongan yagi-yagi pinotungkudon kon ḻimonag in kawasa i Kristus, dá Sia tontaní inta ki Adí i Allah in tumungkudbí kon i Allah inta ain nopotungkud kon bayongan in yagi-yagi kon i-Nia. Bo ki Allahdon tontaní in momarenta kon tua komintan.