KORINTUS 1 3:12 - Alkitab Singog In Mongondow Masa In Tanaa

¹² Taau bidon kon tobatú bo tobatú mongo bangunan naonda in posindogonnea. Bangunan inta inaidanka nongkon buḷawan, andeka inaidan nongkon saḷaka, andeka nongkon batu permata, andeka nongkon kayu, andeka nongkon bonok noingkag, andeka nongkon pangkoi in payoi.

KORINTUS 1 3:12 Referans Kwoze

TIMOTIUS 2 4:3

Sin moiangoibí in wakutu intau in doídon motarima kon totundú inta moitutui. Mosia in dongkadon umuran dumudui kon ibog monia tontaní. Tuamai in mosia mosipundon kon guru mita podudui in ibog monia sinbá motundú doman kon onu inta mokosanang kon bongoḷan monia.

TIMOTIUS 2 3:7

Bobay mita tatua in umuran mopoigum sinbá tundúon in soaḷ mita inta mopia, táe diá dodai onda momangaḻe kon onu inta mopira nongkon i Allah.

TIMOTIUS 2 2:20

Kon bonu in baḷoi moḷoben norupa-rupamaidon in pakakat, oyúon in nongkon saḷaka, nongkon buḷawan, oyúon doman in nongkon kayu bo nongkon butá. Oyúon in pinogaid kon oaidan inta mopia totok, táe oyúon doman in pinogaid kon oaidan inta diá totok in moponting.

WAHYU 21:18

Dinding in kotá tatua pinomia nongkon batu permata inta norupa-rupamai in batangannea, aka kotánea yo pinomia nongkon buḷawan taakan, nosilang naonda bo kaca.

WAHYU 3:18

Tuamai naa in tonggina-Ku kon i monimu, potaḷui kon buḷawan kon i-Nakó, buḷawan taakan sinbá mobaḻídon mooyúon in moiko. Bo potaḷui doman kon ḷambung mobudó kon i-Nakó, sinbá mogiḷambungdon in moiko bo awak monimu inta nopilang bo mokooyá in kooḻingoiandon. Bo potaḷui domandon kon undam poḻepo kon mata sinbá mokoontongdon in moiko.

PETRUS 1 1:7

Tujuan intua komintan in mogujibí kon i monimu mongo totuudon mopirisaya kon i Tuhan andeka diá. Buḷawanpa inta mogogu-goguyaatbí, mustibí ujionpa muna in tuḷu. Pirisayabí monimu in momaha-mahaḷ nongkon buḷawan mita tatua, tuamai mustibí doman ujion sinbá moiko in mobaḻídon totok in moroton. Aka natua yo moiko in dayowonbí bo horomaton poḷat diaan mayá in soroga aka ki Yesus Kristus buidon mamangoi.

MAZMUR 119:72

Kon inakó in hukum-Mu in mopia-pia nongkon bayongan in buḷawan bo saḷaka kon dunia.

MAZMUR 19:10

Motoguondok kon i Tuhan tua in mopiabí, moiyaputbí in mononoi. Hukum i Tuhan tua in totuubí bo moadilbí komintan.

WAHYU 2:14

Tongá oyúon doman in diá kinosanang-Ku kon i monimu: Sin oyúon in tongonumai intau kon sigad monimu in dinumudui kon onu inta sinundú i Bileam. Ki Bileamdon naa inta notundú kon i Balak kon naonda in mopoḷabú kon intau Israel kon bonu in dosa; mosia in nodondouḷug kon intau Israel nokaan kon kaanon inta ain pinosumba kon berhala bo nogaid doman kon soaḷ mita inta mokotor.

IBRANI 13:9

Dika moibog in moiko poyayingon in totundú mita inta mokoherang kon i monimu. Gina naton naa in musti irigonan in totabi i Allah, tuabí in mopia, deemanbí atorang mita soaḷ kokaanon. Intau mita inta tungkuḷ intua dinumudui kon atorang mita tatua in diá nokouḻí kon mangaḻenea.

TIMOTIUS 2 3:13

Intau mita moraat bo mongouboḷ in kodugang-kodugangdon in koromú monia. Mosia in umuran monguboḷ kon intau ibanea, táe diábí kinotaauan monia kon mosia tua in kino akaḷanbí doman in intau ibanea.

TIMOTIUS 1 6:3

Aka ki ine in motundú kon totundú tolaeng inta diá notongkai in totundú inta sinundú naton bo doí doman kon totundú mobanar inta nongkon i Yesus Kristus Tuhan naton, bo inta pinobayá in agama naton,

KOLOSE 2:8

Mustibí mokopoingat in moiko, dikabí modapot in oyúon in mokodondouḷug kon i monimu takin raian mita inta tongá pinodoyon kon pandoi in intau inta diá in baragunanea, táe tongá mokopoyaying kon pirisaya. Raian mita tatua in deemanbí nongkon i Kristus, táe tongábí nongkon raian in intau bo nongkon roho mita inta nongawasa kon dunia.

KORINTUS 2 2:17

Sin kami in diábí ná intau ibanea inta tongá moibog motayak kon kauntungan nongkon habar i Allah tatua. Motuḻidbí totok in tujuan nami, sin ki Allahbí in nokiaid intua komintan kon i nami. Bo inontongbí i Allah tontaní kon kami in nopoyaput in habar tatua nogaidbí saḷaku mogogaid mita i Kristus.

SURAT I PAULUS KON JAMAAT RUM 16:17

Utatku mita! Indongogaipa in tongginaku tanaa: Mokopoingatdon kon intau mita inta moibog moropatoi kon jamaat bo inta mopotombauk in pirisaya intau kon i Tuhan. Sin soaḷ tatua in noyoposibí in inta ain sinundú kon i monimu. Dikadon moyobayat in intau mita natua!

OUMAN IN RASUL MITA 20:30

Modapot in oyúon doman in intau mita kon sigad monimu in mobaḻí mopopotaau in habar inta diá totuu. Mosia in mogaid kon natua sinbá intau mita inta ain nopirisaya kon i Yesus in moiḷaḻe bo dumudui kon i monia.

YEREMIA 23:28

Nabi inta sinumogoindop mustibí moguman, ‘Naa in tongábí togoindop.’ Táe nabi inta nokouḻí kon koyow nongkon i-Nakó mustibí mopotaau in koyow tatua podudui in koyow inta mobanar tua. Gandum in diábí motaau potongkaion in wawa.

YESAYA 60:17

Akuoi in nodia kon buḷawan nobaḻí toḻiu in bitú, bo saḷaka nobaḻí toḻiu in uatoi. Ogoi-Ku in bitú nobaḻí toḻiu in kayu, bo uatoi nobaḻí toḻiu in batu. Butámu in baḻíon-Ku moaman bo mobiag mosanang, bo pinarenta kinoadil.

AMSAL 30:6

Aka iko bo modugang kon onu inta pinoguman-Nea, dá toboḷowon-Nea in iko bo moponiata kon mouboḷ in iko.

AMSAL 16:16

Mokouḻíbí kon hikmat in mopia-pia kon mokouḻí kon buḷawan; mokouḻí kon sinotaau in mobara-baraguna in mokouḻí kon saḷaka.

AMSAL 8:10

Horomatbí in tongginaku moiḻiu kon saḷaka taakan, popoḷontú in sinotaau moiḻiu kon buḷawan totokan.

KORINTUS 2 4:2

Kami in doíbí tongá umuni-uni sin mokooyábí in natua. Bo kami in doíbí mogaid takin gina inta diá motuḻid bo poḷat doman mopotaḷá in singog i Allah. Kami in nogaid kon oaidan i Allah takinbí gina motuḻid ná inta kinoibog-Nea. Tuamai in harapon mako tua, kopiaan in monilai kon i nami.

KORINTUS 1 3:11

Tongábí ki Kristus in sinampat i Allah mobaḻí pondasi kon bangunan tatua, diábí in pondasi ibanea mako.

KORINTUS 1 3:13

Bayongan onu inta inaidan in intau modaitbí koontongan kon wakutu in koangoian bui i Kristus. Sin kon wakutu intua tuḷubí in mopoontong kon bayongan inta inaidan in intau. Tuḷubí in moguji bo monantú kon mopia andeka diá in oaidan mita tatua.

IḶUAIAN 5:12

Dá minayádon intau Israel noḻibu kon bayongan butá in Mesir sin mosipun kon wawa.