KORINTUS 1 15:57 - Alkitab Singog In Mongondow Masa In Tanaa

⁵⁷ Táe sukur mako kon i Allah: Sia in nobogoi kon i naton in kauntungan pinongin i Yesus Kristus ki Tuhan naton!

KORINTUS 1 15:57 Referans Kwoze

KORINTUS 2 2:14

Táe sukur mako kon i Allah! Sin tantú-Neabí dinia in kami dinumudui kon daḷan inta mokosaḷamat, sin notobatúdon i Kristus in kami. Pinaké-Nea in kami sinbá habar soaḷ ki Kristus moibaya-bayádon mako ná bó inta mobondu inta kobóan kon bayongan in tampat.

SURAT I PAULUS KON JAMAAT RUM 8:37

Táe! Kon bayongan tua mokouḻí in kita kon kauntungan inta mosompurna nongkon i-Nia inta motabi kon i naton!

AMSAL 21:31

Umpakabí parang sinontouḷutan in kabaḷo in parang, inta monantú kon kauntungan in ki Tuhanbí.

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

YOHANES 16:33

Naa komintan in poguman-Ku sinbá moiko in mokouḻí kon kobiagan motompia bo moonow sin notobatú-Kudon. Kon dunia naa moyoyangpabí in moiko, táe korotonbí in ginamu, sin Akuoi in diábí taḷowon in dunia naa!”

KORINTUS 2 9:15

Posukurdon kon i Allah sin diá in poḻiu kon barakat inogoi-Nea.

MAZMUR 98:1

Mazmur. Podondongdon in dondong mobagu kon i Tuhan, sin aid-Nea mita inta mokotongaw! Pinongin kawasa bo ropot-Nea tontaní Sia in nokountungdon.

EPESUS 5:20

Umurandon in moiko mopoyaput in sukur kon i Allah, ki Amá naton kon bayongan in yagi-yagi podoyon kon tangoi Yesus Kristus, ki Tuhan naton.

TAWARIKH 1 22:11

Bo ki Daud in noguman bui, “Tanaa, adíku, igumon mako ki Tuhan Allahmu tantú motuḷung kon inimu. Bo igumon mako mokotongod in iko moposindog in baḷoi kon i Tuhan ná inta ain pinodandi-Nea.

KORINTUS 1 15:51

Tarukira in rahasia tanaa: Kita in diábí matoi komintan, táe kita in daitonbí baḷuian.

DATU MITA 2 5:1

Ki Naaman naa in tongguḷu totokan in tontara in Siria inta kinotabi totok bo ihoromat i datu in Siria. Sin, pinongin i Naaman, ki Tuhan ain nopountung kon tontara in Siria. Ki Naaman naa in tongguḷu totokan in tontara inta motorindog, táe sia in kinotugatan in takit in kuḻit inta mokoondok.

OUMAN IN RASUL MITA 27:35

Nopaḷut mako nosingog kon natua ki Paulus in nogamá kon roti bo nosukur kon i Allah kon tayowon monia komintan. Onda intua sinila-silaineadon mako in roti bodongka nongaan.

IBRANI 2:14

Lantaran intau mita inta sinangoi-Nea adí tua, tongábí intau ilo-ilow inta mato-matoipabí, dá ki Yesus sinumongkaidon kon i monia bo nobiag naonda bo kaadaan intau. Tua pinomia-Nea, sinbá kinopatoian-Nea tua mokorimumud kon Ibilis inta nongawasa kon popatoi.

WAHYU 21:4

Paḻitandon i Allah in bayongan ḷuá kon mata monia. Diá bidon in popatoi. Diá bidon in mokoajar kon gina. Amui ande ombaḷ onu inta mokonakitpa kon gina in diá bidon. Soaḷ mita inta nokoyongandon ain noinggamá.”