KORINTUS 1 15:41 - Alkitab Singog In Mongondow Masa In Tanaa

⁴¹ Ná doman tua, kogaga mata in singgai noposibí doman kogaga in buḷan. Tundi mita noyoposibí doman in kogaganea mita. Kogaga in tundi tobatú noyoposibí doman kogaga in tundi ibanea mako.

KORINTUS 1 15:41 Referans Kwoze

ULANGAN 4:19

Dikadon baradosaan popisí in mosumba bo mogundoi kon onu inta inontong monimu kon ḷangit: mata in singgai, buḷan bo tundi mita. Pinomayá mako i Tuhan Allahmu in bangusa mita ibanea nosumba kon tua mita.

YESAYA 24:23

Buḷan in simindip bo mata in singgai in diá bidon monindar, sin ki Tuhan Inta Totok in mokawasa in momarentabí mobaḻí datu. Sia in momarentabí kon Yerusalem, kon tudu in Buḷud in Sion, bo mopoontong in koagung-Nea kon itoi mita in umat-Nea.

MAZMUR 8:3

podondong in mongoadí mita bo adí mita mointok. Pomarentaan-Mu in moroton bo diá motundan sin momompon kon bibig in musung bo saturu.

AYUB 31:26

Diábí dodai in onda in sinumbaku in mata in singgai inta nonindar andeka buḷan inta nonimbayag nodarit.

KINOBAḺIAN 1:14

Noiduduimai kon tua ki Allah in noguman, “Koibog-Ku oyúon in barang mita kon ḷangit inta motaau monimbayag kon dunia naa, bo mopoyotondí in singgai bo doḷom bo monantú kon pomangkoian in singgai, taong bo singgai moḷoben in agama.” Dá nobaḻí domandon in soaḷ tatua.

KORINTUS 1 15:40

Oyúon awak in soroga, bo oyúon doman awak in dunia, táe kogaga in awak doyowa tua in noyoposibí.

KORINTUS 1 15:42

Natuata doman kaadaan in intau minatoi inta biagondon bui. Awak inta iḷobong tua in awakbí inta moyoya-yoyang, táe awak inta biagon bui in awakbí inta diá moyoya-yoyang.

LUKAS 19:19

Dá datu tatua in noguman kon inia, ‘Iko in mobaḻídon pongawasa kon ḻima in kotá.’