KORINTUS 1 15:38 - Alkitab Singog In Mongondow Masa In Tanaa

³⁸ Ki Allahbí tontaní in mobogoi in pangkoi kon batoḷ tatua podudui in onu in kinoibog-Nea. Pomuḷoi in batoḷ, ki Allahbí doman in mobogoi podudui batangannea tonta-tontaní.

KORINTUS 1 15:38 Referans Kwoze

KORINTUS 1 3:7

Manangka intua ki Allahbí in moponti-ponting, sin Sia in mobogoi in kobiagan. Ki inta nomuḷa bo ki inta nomuta-mutak in diábí totok moponting;

YESAYA 61:11

Naonda bo bibit inta inambor mobiag mobaḻí pinomuḷa, natuata in ki Tuhan Allah nopobiag in kasaḷamatan bo bayongan in bangusa modayow kon i-Nia.”

MAZMUR 104:14

Iko in nomiag kon bonok kokaanon in bobiagon, bo kon intau in noyagi-yagimai in pinomuḷa. Dá motaaudon in sia monompinomuḷa,

KORINTUS 1 15:37

Bo batoḷ inta pinomuḷamu tua kon bonu in butá – batoḷ in gandum ande batoḷ ibanea – in tongábí batoḷ in bibit tatua, deemanbí komintan inta pinomuḷa in mobiag kon singgai moiduduimai.

KORINTUS 1 15:39

Awak in bayongan mahaḷuk inta nobiag in diábí komintan notongkai. Awak intau in diábí notongkai awak in mahaḷuk; bo noyoposibí doman awak in ḷagapan, bo awak in toyak.