KORINTUS 1 15:28 - Alkitab Singog In Mongondow Masa In Tanaa

²⁸ Táe naonda in bayongan yagi-yagi pinotungkudon kon ḻimonag in kawasa i Kristus, dá Sia tontaní inta ki Adí i Allah in tumungkudbí kon i Allah inta ain nopotungkud kon bayongan in yagi-yagi kon i-Nia. Bo ki Allahdon tontaní in momarenta kon tua komintan.

KORINTUS 1 15:28 Referans Kwoze

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

KORINTUS 1 3:23

Ki togi kon i monimu nion in ki Kristusbí, bo kitogi kon i Kristus in ki Allahbí.

EPESUS 1:23

Jamaat tua awakbí i Kristus, pinosompurna i Allah inta noposempurna in bayongan yagi-yagi kon ondaka.

PILIPI 3:21

Awak naton inta ilo-ilow bo inta diá mononoi naa, baḷuian i Kristus mobaḻí naonda bo awak-Nea tontaní inta momulia. Motaau-Neabí aidan intua, sin oyúonbí in kawasa nongkon i-Nia mopotungkud in bayongan yagi-yagi.

KORINTUS 1 11:3

Tongá ibogonku in bá kotaauan doman monimu in atorang mita kon bonu in jamaat. Tongguḷu i Kristus in ki Allah. Tongguḷu in ḷoḷaki in ki Kristus. Yo tongguḷu in bobay tuata in ḷoḷaki.

YOHANES 14:28

Dinongog bidon monimu in Akuoi in noguman, ‘Akuoi in mayábí, táe buibí in Akuoi mamangoi kon inimu.’ Aka moiko in motabi kon i-Nakó, yo mosanangbí in gina monimu in Akuoi in mayá kon i Amá, sin ki Amábí in moḷobe-ḷoben nongkon i-Nakó.

KORINTUS 1 12:6

Bo norupa-rupamai in pogogaid kon oaidan i Tuhan, táe ki Allah inta nobogoi in ropot mogaid kon oaidan tatua Sia-Siakabí doman.

MAZMUR 18:47

Ki Tuhan in nobiag! Dinayo-dayowdon in mododuḷuku! Poḷantudon in koḷoḷoben i Allah mopoposaḷamatku!

MAZMUR 18:39

Pomobakku in mosia modapot in diádon mokobangon bui, mosia in moobat diádon mokopongonu kon tayowon in sioḷku.

KORINTUS 1 15:29

Aka intau minatoi bo diá biagon bui, yo nongonu sin oyúonbí intau binaptis kon i monia inta ain minatoi? Aka totuu kon intau minatoi beresibí diá biagon bui, onubí in makusud in pinomiaan monia kon soaḷ tatua?