KORINTUS 1 14:36 - Alkitab Singog In Mongondow Masa In Tanaa

³⁶ Ande degá nongkon imonimubí in pirman i Allah? Andeka tongábí moiko in pinopotaauan in pirman mita tatua?

KORINTUS 1 14:36 Referans Kwoze

TESALONIKA 1 1:8

Sin nongkon imonimu, habar soaḷ ki Tuhan noisiardon dapot in Makedonia bo Akhaya. Deeman doman tongá kon tua; sin nodapotbí doman in habar kon naonda in kopopirisaya monimu kon i Allah noisiar domandon magí mako kon ḻipu-ḻipúannea, sahingga diá bidon in musti pogumanku kon i monimu.

KORINTUS 1 4:7

Diábí in inanggap totok moponting kon sigad monimu? Sin onu in kon i monimu, komintanbí nongkon i Allah? Manangka intua diábí motaau in dumodia, sin tua mita in diábí nouḻímu tontaní?

OUMAN IN RASUL MITA 17:15

Naonda in ki Paulus inatodon dapot kon Atena, utat mita inta norogatod tatua in nobuidon kon Berea takin nodia kon koyow i Paulus sinbá ki Silas bo ki Timotius in musti ḷagi momatuk kon inia.

OUMAN IN RASUL MITA 17:1

Ki Paulus bo ki Silas nopobayá in Tesalonika nogingguput kon bobayáan monia. Mosia in nongin Ampipolis bo Apolonia. Kon tua oyúon in baḷoi pososambayangan intau Yahudi.

ZAKHARIA 14:8

Kon singgai tatua, tubig modarit in moiḻig nongkon Yerusalem; tongobotak nongkon tubig tatua in moiḻig ná Laut Mati bo tongobotaknea doman in moiḻig ná Dagat Toyuak. Tubig tatua in moiḻig kinoouput in taong, pinomayá kon sempo in pongonguyan andeka sempo in poninggai.

YESAYA 2:3

mosia komintan in moguman, “Igai in kita mayá motakod kon Buḷud i Tuhan, mayá in baḷoi Allah in Israel. Sia in motundúbí kon i naton onu in musti aidan naton. Kita in dumuduibí kon daḷan-Nea, sin totundú i Tuhan in mamangoi nongkon Yerusalem, Sia in mosingog nongkon Sion.”

KORINTUS 1 14:35

Aka moibog in mosia monotaau kon yagi-yagi, yo motaaubí in moḻibó kon i buḷoinea táe bain kon baḷoi. Sin totokbí in mokooyá in tobatú bobay mosingog kon tayowon intau moantó.

KORINTUS 1 14:37

Aka rasaanmai monimu bo oyúonbí in totabi mopoyaput in habar nongkon i Allah, andeka inogoianbí i Allah in totabi kon soaḷ mita ibanea, yo intau tatua in mustibí mosadar kon onu inta pinaisku tanaa, komintanbí parenta nongkon i Tuhan.