KORINTUS 1 14:11 - Alkitab Singog In Mongondow Masa In Tanaa

¹¹ Táe aka diá komangaḻeanku in bahasa inta siningog in intau ibanea, yo intau tatua inanggapkubí diá nogogintaauan; natua doman in anggapannea kon inakó.

KORINTUS 1 14:11 Referans Kwoze

OUMAN IN RASUL MITA 28:2

Intau mita kon tua totok mongopia kon inami. Mosia in nonontuḷú kinoborambang bodongka inoiní monia in kami nonayang kon tua sin momangkoidon monguyan bo motumpingdon.

KOLOSE 3:11

Sahingga in diádon yoposi in intau Yahudi bo deeman Yahudi, intau sinunat bo inta diá sinunat. Bo diá domandon yoposi in intau mokokiangoi bo intau moromú, intau inta nobaḻí ata bo intau inta deeman ata, sin ki Kristus tua in Tuhanbí in bayongan yagi-yagi, bo Sia ain notobatú intua komintan!

KORINTUS 1 14:21

Sin kon bonu in Buk Motusi in pinais nanaa, “Ki Tuhan in nosingog, ‘Pinongin intau mita ibanea inta bahasanea tolaeng, Akuoi in mosingog kon umat tanaa. Bo pongin bibig in intau mita inta mokokiangoi, Akuoi in mosingog kon umat-Ku; tongá mosia in doí mokidongog kon singog-Ku.’ ”

SURAT I PAULUS KON JAMAAT RUM 1:14

Sin tuabí in musti aidanku kon bayongan in bangusa: intau nomangarti andeka inta diápa nomangarti, inta nosikoḷa andeka inta diápa nosikoḷa.

OUMAN IN RASUL MITA 28:4

Naonda intau mita kon pulau tatua nokoontong kon uḷag tatua noibambé mako kon ḻima i Paulus, mosia in nosingo-singogan, “Intau tanaa pasti kon moḷoḻimodbí, sin umpaka nosaḷamatdon in sia nongkon bahaya kon dagat, táe ki Dewi inta Moadil in diábí mopomayá mako kon inia mobiag.”

KORINTUS 1 14:10

Kon dunia naa noantó totok in bahasa, táe diábí in tobatúmai bahasa tatua in diá in mangaḻenea.