KORINTUS 1 13:4 - Alkitab Singog In Mongondow Masa In Tanaa

⁴ Intau inta motabi kon tumpaḷa intau, monahangbí kon yagi-yagi bo mopia in gina. Diá in porasaan mointoi, diá kumaḷakuang bo diá doman mododia.

KORINTUS 1 13:4 Referans Kwoze

PETRUS 1 4:8

Tongá soaḷ tanaa inta totok in moponting, moiko in musti totu-totuu mositabian tobatú bo tobatú, sin aka moiko bo mositabian dá mangaḻenea kon tua moiko in moibog doman mosiampungan.

EPESUS 4:32

Táe mokopopia kon gina kon tumpaḷa intau, bo moiko in musti domandon mototabian, bo mosiampungan naonda bo ki Allah inta ain nongampung kon i monimu pinongin i Kristus.

KOLOSE 3:12

Utat mita, moiko nion in umatbí i Allah inta ain sinotabi bo piniḻí-Nea mobaḻí kapunyaan-Nea tontaní. Tuamai in musti popoontong doman monimu in totabian, pia in gina, diá motosiḷantud, pososingog moaḷus bo mobahasa kon tumpaḷa intau bo mosabar aka koantugan in roriga.

AMSAL 10:12

Yaat in gina mokopomuká kon ropatoi; totabian mongampung kon bayongan in taḷá.

YOHANES 1 4:11

Utat mita inta kinotabiku, aka tabi i Allah totuu moḷoben kon i naton, dá kita in mustibí doman mositabian.

AMSAL 17:9

Aka moibog kosanang in intau, ampungai in taḷá inta inaidan monia. Tantú mongonguman kon taḷá tongábí mokobontow kon yoyobayatan.

PETRUS 1 3:8

Naa in kasimpulannea: utat mita poramuji mobiag motobatú kon tosingogon bo porasaan. Moiko in musti umuran mositabian ná doyowa mogutat. Moiko in musti doman mosituḷungan bo mokopoompá kon dodia.

TESALONIKA 1 5:14

Utatku mita naa doman dugang in tonggina nami kon i monimu; toboḷow pia-pia mako in mosia inta doí mogaid bo tantú irigonai in gina in intau mita inta mongoondok, bo dika koḻiongan in motuḷung kon intau mita bogá bo mokoposabar in tumayow kon intau inta noyagi-yagimai in oaid.

PETRUS 2 1:7

Bo aka mobiag podudui in ibog i Allah yo musti intompodan in tabi kon i utat mita inta tumpaḷa mopirisaya kon i Allah bo tabi doman kon bayongan intau.

EPESUS 4:2

Umuranbí pokopoompá kon dodia, mokopoaḷus kon pososingog bo umuran domandon mokoposabar. Popoontongbí in tabimu kon oaid inta moibog mosituḷungan.

KORINTUS 2 6:6

Takin gina motuḻid, mobijaksana, mosabar bo mopia in gina, pinoniatadon nami kon kami in mogogundoibí i Allah. Bo takin kinumadai kon totuḷung in Roho i Allah, bo takin tabi inta noiḷuai nongkon gina inta motuḻid,

AMSAL 19:22

Sipat inta oḷaton mako kon intau tobatú in kotoinduduineabí. Mopia-piabí kon bogá dika in mobaḻí mouboḷ.

KOLOSE 1:11

Igumondon mako, sinbá kawasa i Allah inta momulia in tantú moginrigon kon i monimu, sahingga in umuran mosanang bo mopia in gina monimu wakutu in moyogintayow in bayongan roriga

GALATIA 5:26

Bo donaaibí in kita kumaḷakuang, mosi posakian kon gina, bo mosi intoian.

KORINTUS 1 4:6

Utatku mita! Onu inta mopia, nodaitdon inaidan naminda i Apolos kon i monimu. Makusudnea kon tua, onu inta inontongdon monimu kon inaminda motaau monimu balajaron mangaḻe in singog tanaa, “Tantú kumadai kon atorang inta oyúon.” Aka natua yo diábí in intau in dumodia bo mopohinamai kon intau ibanea.

TIMOTIUS 2 4:2

Sinbá iko in umuran moibog in mopotaau in Habar Mopia inta nongkon i Allah, bo poigum kon i monia sinbá moibog mokidongog, mopia andeka diá mopia in wakutunea. Popoyakindon in intau, bo poguman onu inta noitaḷá, bo umuraibí iropotai in mosia. Mokoposabar in motundú kon i monia.

TIMOTIUS 2 3:10

Iko aindon dinumudui kon onu inta sinundúku, kon onu inta ain pinomiaku, bo kon tujuan kinobiaganku. Bo ain inontongmu tontaní naonda in kopopirisayaku kon i Yesus Kristus bo tabiku kon tumpaḷa intau. Kinotaauanmu bidon in kososabarku bo kototahang in ginaku.

AMSAL 31:26

Pososingognea in moḷukó totok; tosingogonnea mita in mobijaksana.

AMSAL 31:20

Sia in diábí morinut kon intau inta kinodaitan; sia in mopiabí in gina kon i monia inta moparaḷu kon totuḷung.

AMSAL 17:14

Momangkoi kon rogenggeng in naonda bo mobuká kon daḷan in tubig; tuamai in undokdon wakutu in diápa momangkoi in rogenggeng.

NEHEMIA 9:17

Mosia in diá motoindudui, bayongan in kopopia-Mu iḻiongdon, bo bayongan in oaid-Mu inta mokoherang diádon kinotoropan monia. Takin kaḷakuang nomiḻí in mosia kon itoi, sin modia kon i monia mayá in Mesir, bui mobaḻí ata. Táe Iko in ki Allahbí inta moibog mongampung, mosabar, mopia in gina bo nopuḻing in tabi. Tabi-Mu in diábí in poḻiuan; Diábí sinaḷáan-Mu in mosia.

PETRUS 1 2:1

Manangka intua, ḷumbúdon in bayongan inta moraat; kon i monimu, bo donaaidon umuran monguboḷ, momunapik. Dikadon mointoi, bo dikadon mohojat kon intau ibanea.

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.

KORINTUS 1 3:3

sin moiko tantúpabí doman dinumudui kon tabiatmu saḷaku intau. Sin aka oyúonpa doman in ointoian bo yogenggeng kon sigad monimu, yo mangaḻenea kon tua moiko in dumuduipabí kon tabiat in intau, ná intau inta diá nonotaau kon i Allah.

OUMAN IN RASUL MITA 7:9

Táe popisí in mointoi kon i Yusup dá mogoguyang naton ibanea tua in nopotaḷui kon i Yusup kon intau in Mesir, táe umuran sinakinan i Allah in sia,

MOHOHUTUBA 10:4

Aka iko bo torúan in pongawasa, dikabí mopoigum kon mogogai in mogaid. Umpakabí moḷoben in taḷámu, ampunganbí in iko aka moonow bo mosabar.

AMSAL 13:10

Ḷoḷatú tongábí mokopopisí kon porogenggengan; intau inta mobijaksana moibog motarima kon totundú.

MAZMUR 10:5

Intau moraat mokodapot kon bayongan inta iḷongasinea; sia in diábí nonotaau andeka nomangaḻe kon hukum i Tuhan bo mopoompámai kon bayongan in musungnea.

TIMOTIUS 2 2:25

Sia in musti mokopoḷukó kon bahasa aka motundú kon intau mita inta moibog momaḷawang; bo tantú mopoigum mako bá ogoian i Allah in kasampatan in intau mita tatua sinbá mogogaidon in mogaid kon dosa bo monotaaudon kon totundú inta noitutui.

TIMOTIUS 1 6:4

yo intau tatua in mododia bo diá doman nonotaau kon onu bo onu! Panyaki in intau natua in moibo-ibog mobobayowan kon soaḷ istila mita sahingga in mokopomuká kon intoi, ropatoi, mosiponapudan in diá totuu, mosicurigaan,

KORINTUS 1 8:1

Yo tanaa in soaḷ kaanon inta inogoi saḷaku sosumba kon berhala. Oo, totuubí in kain intau, “Kita in komintan bidon nongopandoi.” Táe pandoi tatua in nokopobaḻídon kon intau mokaḷakuang, táe aka tabi, yo mokobiag kon intau.

SURAT I PAULUS KON JAMAAT RUM 1:29

Gina monia in nopuḻingdon yagi-yagi inta moraat, inta diá nobanar, moturá, aid mokotor, yoyaatan gina; ibog moḻimod, ibog moropatoi, ibog monguboḷ bo motagú kon gina bo moibo-ibog doman mongonguman kon soaḷ intau ibanea,

KINOBAḺIAN 37:11

Ki guya-guyang mita i Yusup nointoidon kon inia, táe ki amánea umuran moraimai kon togoindop tatua.

YAKOBUS 4:5

Dikabí anggapon monimu kon diá in dodoyonan Buk Motusi moguman, “Kon bonu in awak naton naa sinampatdon i Allah in Roho inta motogat in ibognea.”

KORINTUS 1 4:18

Tongá tongonudon degá in kon sigad monimu in nobaḻídon mododia, sin kai monia kamai dá diá bidon mamangoi bui kon i monimu in akuoi.

SURAT I PAULUS KON JAMAAT RUM 13:13

Musti in kita mogaid kon soaḷ mita motompia ná inta biasamai aidan in intau kon tungkuḷ in mobayagpa. Dika mogaid kon rame inta moiḻiu, ande moḷoḷangu. Dika mogaid kon inta mokoromú ande oaid inta diá koendar. Dika moporopatoi, bo dika mosiintoian.

KOLOSE 2:18

Donaaibí pomayá mako monimu in porugionmai in intau mita inta ki ubo-uboḷmai inumompá kon dodia bo inta mosumba kon malaekat mita. Intau tatua in moḷoḷatú takin raiannea mita inta modunia bo dumodia kon inta oontongon mita monia,

PILIPI 1:15

Totuubí doman kon oyúonbí in tongonumai in kon sigad monia tua inta mopotaau in habar soaḷ ki Kristus popisí in mointoi bo moibog mobobayowan, táe oyúonbí doman in totu-totuu motuḻid in gina in nopoyaput in habar soaḷ ki Kristus tua.

KORINTUS 2 12:20

Sin moḻia-ḻiaw in ginaku, dikabo naonda in akuoi mamangoi, koangoiankumai moiko diádon ná inta iharapku mako, ná doman tua in akuoi, koangoianmai monimu, diádon ná inta iharap mako monimu. Sin dikabo mobobayowanmai in moiko, mosiintoian, dumodia, tongá moibog morai kon kopontingan tontaní bo mopotombauk.

KORINTUS 1 5:2

Umpaka nogaidon kon natua, táe umuranpabí doman in moiko dumodia. Sabanarnea in bá moajarbí in gina monimu, bo poḷatdon poḷuai in intau natua nongkon sigad monimu.

MATIUS 27:18

Ki Pilatus in noḻibó natua sin kinotaauanneadon kon dinia mangoi monia in ki Yesus bo pinosarakan popisíbí in mosia mointoi kon i-Nia.

KINOBAḺIAN 30:1

Táe ki Rahel in diápa doman kogadí. Manangka intua nointoidon in sia kon i guya-guyangnea, bo sia noguman kon i Yakub, “Ogoiaidon akuoi in adí, aka diá, yo akuoi in simimpatoidon.”