KORINTUS 1 11:27 - Alkitab Singog In Mongondow Masa In Tanaa

²⁷ Tuamai intau inta nokaan kon roti i Tuhan ande nonginum kon anggur i Tuhan, táe diá totu-totuu yo baradosaanbí kon i Tuhan inta ain noposarakan in awak bo dugú-Nea sin kopontingan in intau tatua.

KORINTUS 1 11:27 Referans Kwoze

YOHANES 6:51

Akuoibí in roti inta noponag nongkon soroga, roti inta mobogoi in kobiagan. Intau inta mokaan kon roti tanaa in umuranbí mobiag. Roti inta ogoi-Ku kon kobiagan intau kon dunia naa in awak-Kubí.”

KORINTUS 1 10:21

Moiko in diábí motaau in monginum kon palo in anggur pongonginuman i Tuhan, bo monginum doman kon palo pongonginuman in dimukud mita moraat. Natua doman, moiko in diábí motaau in mongaan moyotakin i Tuhan bo mongaan doman moyotakin in dimukud moraat.

IBRANI 10:29

Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

PINOGIAPAN 9:13

Tongá intau inta diá nonajis bo diá doman kon binayáan, táe diá nomia kon pinorayaan Paska, yo intau tatua in diá bidon poyoiapon-Ku umat-Ku, sin sia in diá noposumba in kuruban kon i-Nakó kon wakutu inta ain sinantú. Intau tatua musti mobaba kon bungai in dosanea.

PINOGIAPAN 9:10

moguman kon bangusa Israel, “Aka kon sigad monimu andeka kon buí monimu oyúon in nonajis popisí in nokadaidon kon intau minatoi andeka kon binayáan moyayú, yo sia in musti doman moraya kon Paska kon i Tuhan.

MATIUS 22:11

Naonda in datu tatua sinumuot sin mokipodungkuḷ kon mokokiangoi mita tatua. Sia nokoontong kon intau tobatú inta diá nogiḷambung in ḷambung pororame.

KORINTUS 1 11:29

Sin aka intau inta nokaan kon roti andeka nonginum kon anggur, táe diá basí mopirisaya kon perjamuan tatua in noidoyonbí kon awak i Tuhan, yo oo bí kon nongaan bo nonginum in intau tatua, táe tongábí potarimaannea kon hukuman i Allah in aidnea tatua.