KORINTUS 1 10:31 - Alkitab Singog In Mongondow Masa In Tanaa

³¹ Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

KORINTUS 1 10:31 Referans Kwoze

KOLOSE 3:17

Bayongan inta aidan andeka singogon monimu, yo aidai ande singog komintan podoyon kon tangoi i Tuhan Yesus. Poyaputdon in sukurmu kon i Allah ki Amá naton sin bayongan inta pinomia i Yesus kon inimu.

KOLOSE 3:23

Onukabí in pokiaid kon i monimu, aidaibí totu-totuu takin sanang gina, naonda bo mobantung kon i Tuhan, deemanbí tongá kon intau.

PETRUS 1 4:11

Intau inta mopoyaput in habar, sia mustibí mopoyaput in habar nongkon i Allah, intau inta mobantung kon intau ibanea, mustibí pakéonnea in ropot inta nongkon i Allah, sinbá kon bayongan in yagi-yagi ki Allah in dayowon pongin i Yesus Kristus. Sia tua in kitogi kamuliaan bo kawasa inta mononoi. Amin.

ULANGAN 12:18

Moiko bo adímu mita, moyotakin in bobantungmu mita bo intau mita in Lewi inta nogutun kon kotámu, musti mokaan kon sosumba tatua kon tayowon i Tuhan Allahmu, kon tampat inta piniḻí i Tuhan Allahmu. Bo kon tampat tatua moiko musti moḷunganga in gina sin bayongan onu inta iramujimu.

ULANGAN 12:7

Kon tua doman, kon tayowon i Tuhan Allahmu, moiko moyotakin in motoḷuadímu musti mongaan takin ḷunganga in gina sin bayongan inta iramujimu oyúon in mangaḻenea sin binarakatan i Tuhan Allahmu.

ULANGAN 12:12

Kosanangdon in gina kon tayowon i Tuhan Allahmu, takin adímu mita, bobantungmu mita bo intau mita in Lewi inta nogutun kon kotámu mita, sin intau mita in Lewi diá nokouḻí kon tonsilai kon butámu.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

KORINTUS 1 7:34

tuamai in diá motantú in raiannea. Bobay inta diá kobuḷoi, andeka inta mongodeagapa, moantó in raiannea kon soaḷ ki Tuhan. Sin ibogonnea in kobiagannea tua in komintandon posarakan kon i Tuhan. Táe bobay inta kobuḷoidon, umuranbí in sia morai kon soaḷ mita in dunia naa, sin moibog in sia moposanang in gina i buḷoinea.

ZAKHARIA 14:21

Bayongan in pansi kon Yerusalem bo kon bayongan in Yohuda in tondíondon mobaḻí kapunyaan i Tuhan Inta Totok in mokawasa. Intau mita inta moposumba in kuruban in momakébí intua porubusan kon ponoyá inta posumba. Aka wakutu tatua moiangoi, yo diá bidon in mopopotaḷui kon Baḷoi i Tuhan Inta Totok in mokawasa.